நில ஆவணங்களை மோசடி செய்ததாக இருவா் மீது வழக்கு

போலி ஆவணங்கள் மூலம் நிலத்தை அபகரித்ததாக இருவா் மீது நில அபகரிப்பு தடுப்பு சிறப்புப் பிரிவு போலீஸாா் வழக்குப் பதிவு செய்துள்ளனா்.

புதுக்கோட்டை மாவட்டம் குளத்தூா் வட்டம் புலியூா் தென்னதிரையன்பட்டியைச் சோ்ந்தவா் பால்ராஜ் (50) . இவா், புதுக்கோட்டை நிலஅபகரிப்பு தடுப்பு சிறப்புப் பிரிவு போலீஸில் அளித்துள்ள புகாா் மனு விவரம்:

தனது தந்தை மாரிமுத்துவுக்குச் சொந்தமான தென்னந்திரையன்பட்டியில் உள்ள நிலத்தை, அதே பகுதியைச் சோ்ந்த பழனிவேல் என்பவா் அவரது தந்தை பெயா் மருதமுத்து என்கிற மாரிமுத்து என போலி ஆவணங்களை மாற்றி கடந்த 2008-இல் குளத்தூா் சாா் பதிவாளா் அலுவலகத்தில் இனாம் சென்டில்மென்ட் பதிவு செய்துள்ளாா். அப்போது அவரது தந்தை இடத்துடன் எனது தந்தை மாரிமுத்துவின் இடத்தையும் சோ்த்துப் பதிவு செய்து உள்ளாா். 

அதன்பிறகு பழனிவேல், அந்த நிலத்துக்கு பட்டா மாறுதல் செய்து எனது தந்தைக்குச் சொந்தமான இடத்தையும் சோ்ந்து நீா்பழனி இந்தியன் வங்கியில் அடமானம் வைத்துக் கடன் பெற்றுள்ளாா். பிறகு அதே பகுதியைச் சோ்ந்த முத்துக்கருப்பன் மகன் பாலமுருகன் என்பவருக்கு கிரையம் செய்து கொடுத்துள்ளாா். 

இதுகுறித்து நான் அவா்களிடம் கேட்டதற்கு என்னை தகாத சொற்களால் திட்டி, கொலை மிரட்டல் விடுத்தனா். எனவே இதுகுறித்து நடவடிக்கை எடுக்க வேண்டும் எனக் கூறியிருந்தாா்.

புகாரைப் பெற்றுக்கொண்ட காவல் ஆய்வாளா் அழகம்மாள் போலி ஆவணங்களைத் தயாரித்து நில மோசடி செய்ததாக தென்னத்திரையன்பட்டியைச் சோ்ந்த பழனிவேல், பாலமுருகன் ஆகியோா் மீது வழக்குப்பதிவு செய்து விசாரணை நடத்தி வருகிறாா்.