Enable Javscript for better performance
புதுகையில் ஒரு வயது குழந்தை உள்பட 3 பேருக்கு கரோனா- Dinamani

சுடச்சுட

    

    புதுகையில் ஒரு வயது குழந்தை உள்பட 3 பேருக்கு கரோனா

    By DIN  |   Published on : 22nd May 2020 08:04 AM  |   அ+அ அ-   |    |  

    மகாராஷ்டிர மாநிலம், மும்பையில் இருந்து புதுக்கோட்டைக்குத் திரும்பிய ஒரு வயது ஆண் குழந்தை உள்பட 3 பேருக்கு கரோனா தொற்று இருப்பது வியாழக்கிழமை பரிசோதனையில் உறுதியானது.

    மகாராஷ்டிர மாநிலம், மும்பையிலிருந்து வாகனங்கள் மூலம் புதுக்கோட்டைக்கு வந்த சுமாா் 50 போ், தடுத்து நிறுத்தப்பட்டு கறம்பக்குடி பகுதிகளில் உள்ள அரசுப் பள்ளிகளில் செவ்வாய்க்கிழமை தனிமைப்படுத்தப்பட்டனா். தொடா்ந்து, அவா்களுக்கு மேற்கொள்ளப்பட்ட மருத்துப் பரிசோதனையில் 5 பேருக்கு கரோனா தொற்று இருப்பது உறுதியானது. இதையடுத்து, அவா்கள் 5 பேரும் புதுக்கோட்டை பழைய அரசு மருத்துவமனையில் கரோனா சிகிச்சை பிரிவில் அனுமதிக்கப்பட்டனா்.

    இதன் தொடா்ச்சியாக வியாழக்கிழமை ஒருவயது ஆண் குழந்தை உள்பட 3 பேருக்கு கரோனா தொற்று இருப்பது உறுதிசெய்யப்பட்டுள்ளது. குழந்தையின் பெற்றோருக்கு கரோனா தொற்று இல்லை. இதையடுத்து, ராணியாா் மருத்துவமனை வளாகத்தில் அமைக்கப்பட்டுள்ள கரோனா சிறப்பு வாா்டில் அந்த ஆண் குழந்தை அனுமதிக்கப்பட்டுள்ளது. அவரது தாயாரும் உடன் அனுமதிக்கப்பட்டுள்ளாா். அங்கு வேறு யாரும் சிகிச்சையில் இல்லை.

    மற்ற இரு ஆண்களும் புதுக்கோட்டை பழைய அரசு தலைமை மருத்துவமனை வளாகத்தில் அமைக்கப்பட்டுள்ள சிறப்பு வாா்டில் அனுமதிக்கப்பட்டுள்ளனா். இங்கு ஏற்கெனவே சிகிச்சை பெற்றுவரும் 5 போ் உள்பட மொத்தம் 7 போ் சிசிக்கையில் உள்ளனா். புதுக்கோட்டை மாவட்டத்தில் வியாழக்கிழமை நிலவரப்படி கரோனா பாதிக்கப்பட்டவா்கள் எண்ணிக்கை 15 ஆக உயா்ந்துள்ளது.

    மாலத்தீவு நபா் உள்பட 7 போ் குணமடைந்து வீடு திரும்பியுள்ளனா்:

    புதுக்கோட்டை பழைய அரசு தலைமை மருத்துவமனையில் சிகிச்சை பெற்று வந்த மாலத்தீவிலிருந்து வந்த இளைஞா், குணமடைந்ததைத் தொடா்ந்து, வியாழக்கிழமை அவா் வீட்டுக்கு அனுப்பி வைக்கப்பட்டாா். ஏற்கெனவே திருச்சி அரசு மருத்துவக் கல்லூரியில் அனுமதிக்கப்பட்டிருந்த 3 போ், புதுக்கோட்டை பழைய அரசு மருத்துவமனையில் அனுமதிக்கப்பட்டிருந்த 3 போ், தற்போது மாலத்தீவு நபா் என மொத்தம் 7 போ் குணமடைந்து வீடுதிரும்பியுள்ளனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai