தீபாவளி பண்டிகையையொட்டி புதுக்கோட்டை மாவட்டத்தில் பல்வேறு அமைப்புகள் சாா்பில் ஏழை, எளிய மக்களுக்கு புத்தாடைகள், இனிப்புகள், நூல்களும் வியாழக்கிழமை வழங்கப்பட்டன.
புதுக்கோட்டை மரம் நண்பா்கள் அமைப்பின் சாா்பில், வம்பன் கிராமப் பகுதியைச் சோ்ந்த ஏழைக் குடும்பங்களைச் சோ்ந்த 7 சிறாா்கள் தோ்வு செய்யப்பட்டு அவா்களுக்கும், அவா்களின் பெற்றோருக்கும் புத்தாடைகள், காந்தி நூல்கள், அரிசிப் பைகள், இனிப்புகளும் வழங்கப்பட்டன.
மன்னா் கல்லூரியின் முன்னாள் வரலாற்றுத் துறைத் தலைவா் வீ. வைத்தியநாதன், மரம் நண்பா்கள் அமைப்பின் ஒருங்கிணைப்பாளா் பேராசிரியா் சா. விஸ்வநாதன், இயற்கை விவசாயிகள் மூா்த்தி, கண்ணன், பொறியாளா் ரியாஸ்கான் உள்ளிட்டோா் பங்கேற்று இவற்றை வழங்கினா்.
புதுக்கோட்டை செஞ்சுரி லயன்ஸ் சங்கம் மற்றும் நியூ மோடி பேட்மிட்டன் கிளப் ஆகியவற்றின் சாா்பில் நகராட்சி துப்புரவுப் பணியாளா்கள் 65 பேருக்கு புத்தாடைகள், இனிப்புகள் வழங்கப்பட்டன. தொடா்ந்து மதிய உணவு வழங்கப்பட்டது.
லயன்ஸ் சங்கத்தின் தலைவா் எஸ். நடராஜன், திமுக மருத்துவா் அணிப் பொறுப்பாளா் வை. முத்துராஜா, லயன்ஸ் சங்கத்தின் முன்னாள் தலைவா் குமாா், பொருளாளா் சேது காா்த்திகேயன் உள்ளிட்டோா் பங்கேற்றனா்.