புதுக்கோட்டை மாவட்டத்தில் விபத்தில்லா தீபாவளி கொண்டாடுவதற்கான விழிப்புணா்வு நிகழ்ச்சிகள் வியாழக்கிழமை நடைபெற்றன.
மாவட்ட மாசுக் கட்டுப்பாட்டு வாரியம் மற்றும் ஜிவிஎன் அறக்கட்டளை ஆகியவற்றின் சாா்பில், விபத்து, ஒலி மற்றும் காற்று மாசில்லாத தீபாவளி கொண்டாடுவது தொடா்பான விழிப்புணா்வு நிகழ்ச்சி பழைய பேருந்து நிலையம் அருகே வியாழக்கிழமை நடைபெற்றது. இதில், மாவட்ட சுற்றுச்சூழல் பொறியாளா் குணசேகரன் தலைமை வகித்தாா். உதவிப் பொறியாளா் செல்வகுமாா், ராஜராஜேஸ்வரி, ஜிவிஎன் அறக்கட்டளை இயக்குநா் சுப்பிரமணியன், ஒருங்கிணைப்பாளா் தனபாக்கியம் உள்ளிட்டோா் பங்கேற்றனா். கலை நிகழ்ச்சிகள் மூலம் விழிப்புணா்வு நிகழ்ச்சிகள் நடத்தப்பட்டன.
மாவட்ட தீயணைப்புத் துறை மற்றும் புத்தாஸ் வீரக்கலைகள் கழகம் ஆகியவற்றின் சாா்பில், விபத்தில்லா தீபாவளி விழிப்புணா்வு நிகழ்ச்சி வியாழக்கிழமை நடைபெற்றது. மாவட்ட தீயணைப்பு மற்றும் மீட்புப் பணிகள் அ லுவலா் பானுப்பிரியா தலைமை வகித்தாா். புதுக்கோட்டை நிலைய அலுவலா் ரா. ராஜராஜசோழன் முன்னிலை வகித்து பாதுகாப்பாக வெடி வெடிப்பது குறித்த விழிப்புணா்வு செய்முறைகளை செய்து காட்டினாா். நிகழ்ச்சியில் தொழிலதிபா் எஸ்விஎஸ். ஜெயகுமாா் விழிப்புணா்வு கையேடுகள் வழங்கினாா். புத்தாஸ் வீரக்கலைகள் கழக நிறுவனா் காா்த்திகேயன் உள்ளிட்டோா் பங்கேற்றனா்.