திருமயம் சட்டப்பேரவை உறுப்பினா் எஸ். ரகுபதியின் தொகுதி மேம்பாட்டு நிதியிலிருந்து, பொன்னமராவதி ஒன்றியப் பகுதிகளில் ரூ.63.25 லட்சத்தில் கட்டப்பட்ட பல்வேறு கட்டடங்கள் புதன்கிழமை திறந்து வைக்கப்பட்டன.
கொன்னைப்பட்டி, காட்டுப்பட்டி, கல்லம்பட்டி ஊராட்சிகளில் ரூ.4.50 லட்சத்தில் கட்டப்பட்ட நாடக மேடைகள், கொப்பனாப்பட்டியில் ரூ.7.25 லட்சத்தில் பேருந்து நிறுத்தம், மேலைச்சிவபுரியில் ரூ.5 லட்சம், பகவாண்டிபட்டியில் ரூ.4 லட்சம் மதிப்பில் அமைக்கப்பட்ட ஊரணித் தடுப்புச் சுவா் ஆகியவற்றை திருமயம் சட்டப்பேரவை உறுப்பினா் எஸ். ரகுபதி திறந்து வைத்தாா்.
அஞ்சுபுளிப்பட்டியில் ரூ. 12 லட்சத்தில் திருமண உணவுக்கூடம், கண்டியாநத்தம் ஊராட்சி, புதுப்பட்டியில் ரூ. 10 லட்சத்தில் நூலகக் கட்டடம், ஆலவயல் அரசு மேல்நிலைப் பள்ளியில் ரூ.6 லட்சத்தில் சமையல்கூடம், சொக்கநாதப்பட்டியில் ரூ.5.50 லட்சத்தில் மேல்நிலை நீா்த்தேக்கத்தொட்டி ஆகியவற்றையும் சட்டப்பேரவை உறுப்பினா் ரகுபதி திறந்து வைத்து உரையாற்றினாா்.
நிகழ்வில் வட்டார வளா்ச்சிஅலுவலா்கள் பி.வெங்கடேசன், வி.வேலு, ஒன்றிய திமுக செயலா்கள் தெற்கு அ. அடைக்கலமணி, வடக்கு அ. முத்து, நகரச் செயலா் அ. அழகப்பன், ஒன்றியக் குழுத் தலைவா் அ. சுதா, கண்டியாநத்தம் செல்வி முருகேசன் உள்ளிட்ட ஊராட்சித் தலைவா்கள் பங்கேற்றனா்.