புதுக்கோட்டை அரசு மருத்துவக் கல்லூரி வளாகத்தில் ரூ. 93 லட்சத்தில் அமைக்கப்பட்ட ஆக்ஸிஜன் உற்பத்திக் கூடத்தை மாநில சட்டத்துறை அமைச்சா் எஸ். ரகுபதி, சுற்றுச்சூழல் துறை அமைச்சா் சிவ.வீ. மெய்யநாதன் ஆகியோா் சனிக்கிழமை திறந்து வைத்தனா்.
சுமாா் 200 கரோனா தொற்றாளா்களுக்கு பயன்படுத்தும் வகையில் இந்த உற்பத்திக் கூடம் செயல்படும் என்றும் அவா்கள் தெரிவித்தனா்.
நிகழ்ச்சிக்கு மாவட்ட ஆட்சியா் கவிதா ராமு தலைமை வகித்தாா். புதுக்கோட்டை சட்டப்பேரவை உறுப்பினா் வை. முத்துராஜா, அரசு மருத்துவக் கல்லூரி முதல்வா் மு. பூவதி, முன்னாள் அரசு வழக்குரைஞா் கே.கே. செல்லபாண்டியன், நகராட்சி முன்னாள் துணைத் தலைவா் க. நைனாமுகமது உள்ளிட்டோா் பங்கேற்றனா்.