புதுக்கோட்டை மாவட்டம், பொற்பனைக்கோட்டையில் நடைபெற்றுவரும் அகழாய்வுப் பணியில், சங்க காலக் கோட்டை மதில்சுவா் இருந்தாகக் கருதப்படும் பகுதியில் ஒன்றுடன் ஒன்று பிணைக்கும் வகையிலான காடிகள் மற்றும் ஆணியைச் செலுத்துவதற்கான துளைகளுடன் கூடிய ஓடுகள் கண்டெடுக்கப்பட்டுள்ளன.
புதுக்கோட்டை மாவட்ட தொல்லியல் ஆய்வுக் கழகத்தின் நிறுவனா் ஆ. மணிகண்டன் தலைமையிலான குழுவினா், ஞாயிற்றுக்கிழமை இந்தப் பகுதியில் நடத்திய ஆய்வில் 20-க்கும் மேற்பட்ட துண்டுகளாக இந்த ஓடுகள் கண்டெடுக்கப்பட்டுள்ளன.
மேற்புறச் சுவரில் காவல் வீரா்கள் தங்கி இருந்ததற்கான கண்காணிப்பு அறையில் இந்த ஓடுகள் வேயப்பட்டிருக்கலாம் என அனுமானிக்கப்படுகிறது. இந்த ஓடுகளை அகழாய்வுப் பணி இயக்குநா் பேராசிரியா் இனியனிடம் தொல்லியல் ஆா்வலா்கள் ஒப்படைத்தனா்.
இதற்கிடையே பொற்பனைக்கோட்டையில் அகழாய்வு செய்ய வேண்டும் என மதுரை உயா்நீதிமன்றக் கிளையில் வழக்கு நடத்திய வழக்குரைஞா் கணபதி சுப்பிரமணியன் ஞாயிற்றுக்கிழமை அகழாய்வுப் பணிகளை நேரில் பாா்வையிட்டாா். இதேபோல், மாவட்டக் காவல் கண்காணிப்பாளா் நிஷா பாா்த்திபன் சனிக்கிழமை மாலை நேரில் பணியைப் பாா்வையிட்டாா்.
ஏதேனும் தொல்லியல் கட்டுமானங்கள், அடையாளங்கள் இருந்து அவை சிதைந்துவிடக் கூடாது என்பதற்காக மிகவும் நுட்பமாக சிறிய அளவில் மண்ணைப் பறித்து சலித்துப் பாா்த்து வருவதாகவும், அதிலிருந்து சிறு மணிகள், வட்ட சில்லுகள், உடைந்த கருப்பு - சிவப்பு பானை ஓடுகளும் கிடைத்திருப்பதாகவும் ஆய்வாளா்கள் தெரிவிக்கின்றனா்.