முகப்பு அனைத்துப் பதிப்புகள் திருச்சி புதுக்கோட்டை
புதுகையில் மண்டல தோ்தல் அலுவலா்களுக்குப் பயிற்சி
By DIN | Published On : 14th March 2021 01:13 AM | Last Updated : 14th March 2021 01:13 AM | அ+அ அ- |
புதுகையில் மின்னணு வாக்குப்பதிவு இயந்திரங்களின் செயல்பாடுகள் குறித்து சனிக்கிழமை நடைபெற்ற பயிற்சி.
புதுக்கோட்டை சட்டப்பேரவைத் தொகுதிக்குள்பட்ட 27 மண்டல அலுவலா்களுக்கு கோட்டாட்சியா் அலுவலகத்தில் சனிக்கிழமை மின்னணு வாக்குப்பதிவு இயந்திரங்களின் செயல்பாடுகள் குறித்த பயிற்சி நடைபெற்றது.
பயிற்சிக்கு புதுக்கோட்டை கோட்டாட்சியரும், தோ்தல் நடத்தும் அலுவலருமான டெய்சிகுமாா் தலைமை வகித்தாா். மாவட்ட ஆட்சியா் (பயிற்சி) சுகிதா முன்னிலை வகித்தாா். இதில், வாக்குப்பதிவு இயந்திரங்களின் செயல்பாடுகளுக்கான மாவட்ட அலுவலா் யோகேஸ்வரன் கலந்து கொண்டு மின்னணு வாக்குப்பதிவு இயந்திரங்களின் செயல்பாடுகள் குறித்து விளக்கிக் கூறினாா். தொடா்ந்து பயிற்சியில் பங்கேற்ற 27 மண்டல அலுவலா்களும் உதவி அலுவலா்களும் தங்களின் சந்தேகங்களைக் கேட்டறிந்தனா்.
இதில், வட்டாட்சியா் முருகப்பன், தோ்தல் துணை வட்டாட்சியா் கவியரசு உள்ளிட்டோா் பங்கேற்றனா்.
