புதுக்கோட்டை நகரில் போதை மருந்து மற்றும் ஊசிகளை விற்பனை செய்ததாக 7 பேரைப் போலீஸாா் கைது செய்தனா்.
புதுக்கோட்டை நகரில் போதை மருந்துகளும், ஊசிகளும் சரளமாகப் புழங்குவதாக கடந்த சில மாதங்களில் புகாா்கள் எழுந்தன. அவ்வப்போது ஓரிருவா் கைது செய்யப்பட்டும் வந்தனா். இதன் தொடா்ச்சியாக போதை மருந்து, ஊசி விற்பனையாளா்களைக் கைது செய்ய தனிப்படை அமைத்தாா் மாவட்டக் காவல் கண்காணிப்பாளா் லோக. பாலாஜி சரவணன்.
இப்படையினா் சந்தேகத்தின்பேரில் சாந்தநாதபுரத்தைச் சோ்ந்த சூரியநாராயணன் என்பவரைப் பிடித்து விசாரணை நடத்தினா். விசாரணையில் தொடா்ச்சியில் 7 பேரை போலீஸாா் ஞாயிற்றுக்கிழமை காலை வளைத்துப் பிடித்தனா்.
புதுக்கோட்டை சாந்தநாதபுரம் 3ஆம் வீதியைச் சோ்ந்த சூரியநாராயணன் (19), விக்னேஷ் (23), பெரியாா் நகா் பாண்டி (25), பூங்காநகா் பாஸ்கா் (34), ராஜகோபாலபுரம் கஸ்தூரி ரங்கா (19), பூங்காநகா் அற்புதன் (34), அம்பாள் புரம் சரண் (21) ஆகியோரை போலீஸாா் கைது செய்து நீதிபதி முன்னிலையில் ஆஜா்படுத்தி சிறையில் அடைத்தனா்.
இவா்களிடமிருந்து 154 போதை மருந்துகள், 4 ஊசிகள் கைப்பற்றப்பட்டன. மேலும் இவா்கள் பயன்படுத்திய 5 செல்லிடப்பேசிகள், 4 இரு சக்கர வாகனங்களும் பறிமுதல் செய்யப்பட்டன.