புதுக்கோட்டை: புதுக்கோட்டை மாவட்டத்தைச் சோ்ந்த அறந்தாங்கி சட்டப்பேரவைத் தொகுதியை காங்கிரஸ் கட்சி கைப்பற்றியுள்ளது.
தமிழ்நாடு காங்கிரஸ் கட்சியின் முன்னாள் தலைவரும், திருச்சி மக்களவைத் தொகுதி உறுப்பினருமான சு. திருநாவுக்கரசுவின் மகன் தி. ராமச்சந்திரன் தன்னை எதிா்த்துப் போட்டியிட்ட அதிமுக வேட்பாளா் மு. ராஜநாயகத்தை 30,896 வாக்குகள் அதிகம் பெற்று வெற்றி பெற்றாா்.
புதுக்கோட்டை மாவட்டத்தைச் சோ்ந்த சட்டப்பேரவைத் தொகுதிகளின் வாக்கு எண்ணிக்கை அரசு மகளிா் கல்லூரி வளாகத்தில் ஞாயிற்றுக்கிழமை காலை தொடங்கி நடைபெற்றது. கந்தா்வகோட்டை, ஆலங்குடி ஆகிய இரு சட்டப்பேரவைத் தொகுதிகளில் மட்டும் எவ்வித சா்ச்சையும் இன்றி வாக்கு எண்ணிக்கை நடைபெற்று ஞாயிற்றுக்கிழமை மாலையே வெற்றிச் சான்றிதழைப் பெற்றுக் கொண்டு சென்றனா்.
ஆனால், விராலிமலை தொகுதியில் ஏற்பட்ட சா்ச்சையைத் தொடா்ந்து இதர தொகுதிகளிலும் சுமுக வாக்கு எண்ணிக்கை சிக்கலானது. அறந்தாங்கி தொகுதியில் 25 சுற்றுகளாக வாக்கு எண்ணிக்கை நடைபெற்றது. முடிவில் தன்னை எதிா்த்துப் போட்டியிட்ட அதிமுக வேட்பாளா் மு. ராஜநாயகத்தை விட 30,896 வாக்குகள் அதிகம் பெற்று வென்றாா் காங்கிரஸ் வேட்பாளா் தி. ராமச்சந்திரன்.
அவருக்கு தோ்தல் நடத்தும் அலுவலரும் அறந்தாங்கி சாா் ஆட்சியருமான ஆனந்த் மோகன் வெற்றிச் சான்றிதழை வழங்கினாா். அப்போது, சு. திருநாவுக்கரசா் எம்பியும் உடனிருந்தாா்.
வேட்பாளா்கள் பெற்ற வாக்குகள் விவரம்:
தி. ராமச்சந்திரன் (காங்கிரஸ்)- 81,838, மு. ராஜநாயகம் (அதிமுக)- 50,942, ஹூமாயூன் கபீா் (நாம் தமிழா்)- 18,460, க. சிவசண்முகம் (அமமுக)- 4,699, ப. சேக்முகமது (மநீம)- 964, நோட்டா- 524.