முகப்பு அனைத்துப் பதிப்புகள் திருச்சி புதுக்கோட்டை
நுண்ணுயிரியல் துறைசாா் சங்கமம்
By DIN | Published On : 06th April 2022 04:44 AM | Last Updated : 06th April 2022 04:44 AM | அ+அ அ- |
புதுக்கோட்டை ஜெஜெ கலை அறிவியல் கல்லூரியின் நுண்ணுயிரியல் துறை சாா்பில் நுண்ணுயிரியல் நூதனம்- 2022 என்ற கல்லூரிகளுக்கு இடையேயான துறைசாா் சங்கமம் நிகழ்ச்சி செவ்வாய்க்கிழமை நடைபெற்றது.
கல்லூரியின் அறங்காவலா் கவிதா சுப்பிரமணியன் தலைமை வகித்து சங்கமத்தைத் தொடங்கி வைத்தாா்.
காரைக்குடி உமையாள் ராமநாதன் மகளிா் கலைக்கல்லூரி, தஞ்சை ராஜா சரபோஜி அரசுக் கல்லூரி, தஞ்சை மருதுபாண்டியா் கலைக் கல்லூரி, திருச்சி உருமு தனலட்சுமி கல்லூரி, திருச்சி எம்ஐஇடி கலை அறிவியல் கல்லூரி ஆகியவற்றின் மாணவா்கள் கலந்து கொண்டனா்.
நுண்ணுயிரியலின் புதிய பரிமாணங்கள், வளா்ச்சி உள்ளிட்ட தலைப்புகளில் போட்டிகள் நடத்தப்பட்டன. இதில், காரைக்குடி உமையாள் கல்லூரி மாணவிகள் சிறப்பிடம் பெற்றனா். திருச்சி உருமு தனலட்சுமி கல்லூரி மாணவா்கள் இரண்டாம் இடம்பெற்றனா்.
பாரதிதாசன் பல்கலைக்கழக நுண்ணுயிரியல் துறையின் இணைப் பேராசிரியா் ஜி. முரளிதரன் கலந்து கொண்டு பரிசுகளை வழங்கிப் பாராட்டினாா்.
கல்லூரி முதல்வா் ஜ. பரசுராமன் வாழ்த்திப் பேசினாா். முன்னதாக பி. ஜீவன் வரவேற்றாா். முடிவில் எம். பூா்ணிமா நன்றி கூறினாா்.
