புதுக்கோட்டை மாவட்டத்தில் கடந்த இரு நாட்களாக மாலை நேரங்களில் பரவலாக மழை பெய்து வருகிறது.
ஞாயிற்றுக்கிழமை மாலை மற்றும் இரவில் மாவட்டத்தின் பல பகுதிகளில் மழை பெய்தது. இதன்படி, மாவட்டத்தில் திங்கள்கிழமை காலை 6 மணி வரையிலான மழைப் பொழிவு விவரம் (மி.மீ-இல்):
ஆதனக்கோட்டை - 2, பெருங்களூா் - 4, புதுக்கோட்டை- 6, ஆலங்குடி- 7, கந்தா்வகோட்டை - 40, கறம்பக்குடி - 1.60, மழையூா் - 12.60, திருமயம் - 19.20, அரிமளம் - 10, ஆயிங்குடி - 4, மீமிசல் - 20.40, மணமேல்குடி- 9, குடுமியான்மலை - 58, அன்னவாசல் - 21, உடையாளிப்பட்டி- 14.50, கீரனூா்- 40, பொன்னமராவதி- 5.20, காரையூா் - 30.20. மாவட்டத்தின் சராசரி மழையளவு - 12.70 மிமீ.
இதேபோல, திங்கள்கிழமை மாலையும் புதுக்கோட்டை நகரம் மற்றும் மாவட்டத்தின் பல பகுதிகளிலும் பரவலாக மழை பெய்தது. சில இடங்களில் அவ்வப்போது மின் தடையும் ஏற்பட்டது.