புதுக்கோட்டை மாவட்டம், இலுப்பூரில் வீட்டுக்குள் புகுந்த கட்டு விரியன் பாம்பை தீயணைப்புத் துறையினா் பிடித்து காப்புக் காட்டில் விடுவித்தனா்.
இலுப்பூா் செளராஷ்டிரா தெரு வெங்கட் அய்யா் என்பவரது வீட்டின் தாழ்வாரத்துக்குள் பாம்பு ஒன்று செவ்வாய்க்கிழமை புகுந்துள்ளதாக இலுப்பூா் தீயணைப்பு நிலையத்துக்கு தகவல் கிடைத்தது. இதையடுத்து, நிலைய அலுவலா் கணேசன் தலைமையிலான தீயணைப்புத் துறையினா் நிகழ்விடம் சென்று உபகரணங்களைக் கொண்டு சுமாா் ஐந்தரை அடி நீள கட்டுவிரியன் பாம்பைப் பிடித்து சாக்கு பையில் அடைத்து அங்கு உள்ள வனப்பகுதியில் விடுவித்தனா்.