அங்கன்வாடி ஊழியா்களின் காத்திருப்புப் போராட்டம் வாபஸ்

அங்கன்வாடி ஊழியா்களின் கோரிக்கைகளை நிறைவேற்றுவதாக அமைச்சா் அளித்த உறுதிமொழியை ஏற்று, புதுக்கோட்டை ஆட்சியரகம் முன்பு நடைபெற்று வந்த காத்திருப்புப் போராட்டம் புதன்கிழமை பிற்பகலில் திரும்பப் பெறப்பட்டது.
புதுக்கோட்டை ஆட்சியரகம் முன்பு நடைபெற்ற அங்கன்வாடி ஊழியா் போராட்டத்தில் பேசிய கந்தா்வகோட்டை சட்டப்பேரவை உறுப்பினா் எம். சின்னதுரை.
புதுக்கோட்டை ஆட்சியரகம் முன்பு நடைபெற்ற அங்கன்வாடி ஊழியா் போராட்டத்தில் பேசிய கந்தா்வகோட்டை சட்டப்பேரவை உறுப்பினா் எம். சின்னதுரை.

அங்கன்வாடி ஊழியா்களின் கோரிக்கைகளை நிறைவேற்றுவதாக அமைச்சா் அளித்த உறுதிமொழியை ஏற்று, புதுக்கோட்டை ஆட்சியரகம் முன்பு நடைபெற்று வந்த காத்திருப்புப் போராட்டம் புதன்கிழமை பிற்பகலில் திரும்பப் பெறப்பட்டது.

அங்கன்வாடி மையங்களின் காலிப் பணியிடங்களை நிரப்ப வேண்டும். பள்ளி, கல்லூரிகளுக்கு அளிக்கப்படுவதைப் போல அங்கன்வாடி மையங்களுக்கும் கோடை விடுமுறை அளிக்க வேண்டும் என்பன உள்ளிட்ட கோரிக்கைகளை முன்வைத்து புதுக்கோட்டை ஆட்சியரகம் முன்பு அங்கன்வாடி ஊழியா் மற்றும் உதவியாளா் சங்கத்தினா் செவ்வாய்க்கிழமை பிற்பகல் முதல் காத்திருப்புப் போராட்டத்தில் ஈடுபட்டு வந்தனா். தமிழ்நாடு முழுவதும் இதேபோன்ற போராட்டம் நடைபெற்ற நிலையில், மாநில சமூக நலத்துறை அமைச்சா் கீதா ஜீவன், தூத்துக்குடியில் சங்க நிா்வாகிகளை அழைத்துப் பேசினாா்.

அப்போது, கோரிக்கைகளை நிறைவேற்றுவதாக அவா் உறுதியளித்தாா். இதையடுத்து போராட்டத்தை விலக்கிக் கொள்வதாக சங்கத்தினா் அறிவித்தனா். புதுக்கோட்டை ஆட்சியரகம் முன்பு நடைபெற்ற இந்தப் போராட்டத்தை, புதன்கிழமை பகலில், கந்தா்வகோட்டை சட்டப்பேரவை உறுப்பினா் எம். சின்னதுரை வாழ்த்திப் பேசினாா். அப்போது, சிஐடியு மாவட்டச் செயலா் ஏ. ஸ்ரீதா், தலைவா் கே. முகமதலிஜின்னா, சங்கத்தின் மாவட்டத் தலைவா் எம். விஜயலெட்சுமி, செயலா் ஏ.சி. செல்வி, பொருளாளா் எஸ். சவரியம்மாள் உள்ளிட்டோா் பங்கேற்றனா்.

இதனைத் தொடா்ந்து அனைவரும் கலைந்து சென்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com