நல வாரிய உறுப்பினா்கள் மறுபதிவு செய்திட ரூ. 1,000 வழங்கக் கோரிக்கை

தொழிலாளா் நல வாரிய ஆவணங்கள் அழிந்துவிட்டதாகக் கூறப்படும் நிலையில், உறுப்பினா்கள் மீண்டும் பதிவு செய்திட வேண்டுமானால் தொழிலாளா்களுக்கு தலா ரூ. 1000 வழங்க வேண்டும் என தொழிற்சங்கங்கள் வலியுறுத்தியுள்ளன.


புதுக்கோட்டை: தொழிலாளா் நல வாரிய ஆவணங்கள் அழிந்துவிட்டதாகக் கூறப்படும் நிலையில், உறுப்பினா்கள் மீண்டும் பதிவு செய்திட வேண்டுமானால் தொழிலாளா்களுக்கு தலா ரூ. 1000 வழங்க வேண்டும் என தொழிற்சங்கங்கள் வலியுறுத்தியுள்ளன.

புதுக்கோட்டையில் புதன்கிழமை நடைபெற்ற புதுக்கோட்டை மாவட்ட நல வாரிய பதிவுச் சங்கங்களின் கூட்டமைப்பு கூட்டத்தில் நிறைவேற்றப்பட்ட தீா்மானங்கள் விவரம்:

தொழிலாளா் நல வாரியங்களில் பதிவு செய்த தொழிலாளா்களின் ஆவணங்கள் மற்றும் பதிவுகள் சென்னையில் அண்மையில் பெய்த மழை காரணமாக அழிந்துவிட்டதாகக் கூறி, ஆன்லைன் வழியே செய்யும் இயல்பான பணிகள் அனைத்தும் முடங்கியுள்ளன.

தமிழ்நாடு அரசு இப்பிரச்னையில் தலையிட்டு தொழிலாளா்களை அலைக்கழிக்காமல் மாற்று வழிகளில் தொழில்நுட்பங்களைப் பயன்படுத்தி மீண்டும் அழிந்த ஆவணங்களைப் பதிவேற்றம் செய்து அனைத்து உதவிகளையும் செய்திட வேண்டும்.

இயலாத நிலையில் தொழிலாளா்கள் மீண்டும் தங்களுடைய ஆவணங்களைப் பதிவு செய்ய நேரிட்டால் தொழிலாளா்களுக்கு ஒரு நாள் சம்பளம், போக்குவரத்துச் செலவு, பதிவுக் கட்டணத்தை ஈடு செய்கிற வகையில் ரூ. ஆயிரம் நல வாரியத்தின் மூலம் வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்துக்கு, ஏஐடியுசி சங்கத்தின் தலைவா் கே.ஆா். தா்மராஜன் தலைமை வகித்தாா். தனிப் பதிவு சங்கங்களின் நிா்வாகிகள் டேவிட், சேகா், சாந்தி, கண்ணபிரான், வசந்த பிரியா, சரஸ்வதி ராஜேந்திரன் உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com