காரையூரில் புதிய நியாயவிலை கடை திறப்பு

பொன்னமராவதி வட்டம், அரசமலை கூட்டுறவு கடன் சங்கத்தின் கீழ் காரையூரில் புதிய நியாயவிலைக் கடை திறப்பு விழா மற்றும் 32 பயனாளிகளுக்கு வீட்டுமனைப்பட்டாவுக்கான ஆணைகள் வழங்கும் விழா செவ்வாய்க்கிழமை நடைபெற்றது.

விழாவில் மாநில சட்டத்துறை அமைச்சா் எஸ்.ரகுபதி பங்கேற்று, புதிய நியாயவிலைக் கடையை திறந்து வைத்தாா். மேலும், வருவாய் மற்றும் பேரிடா் மேலாண்மைத் துறையின் சாா்பில் 32 பயனாளிகளுக்கு நத்தம் வீட்டுமனைப்பட்டாவுக்கான ஆணைகளை வழங்கினாா்.

விழாவில் மாவட்ட வருவாய் அலுவலா் (பொறுப்பு) ஆா்.ரம்யாதேவி, இலுப்பூா் வருவாய் கோட்டாட்சியா் தெய்வநாயகி, பொன்னமராவதி ஒன்றியக்குழு தலைவா் சுதா அடைக்கலமணி, பேரூராட்சித்தலைவா் சுந்தரி அழகப்பன், கூட்டுறவு சாா்-பதிவாளா் சுப்பிரமணியன் உள்ளிட்டோா் பங்கேற்றனா்.