புதுகை நால்வா் விழாவில் 208 சிவனடியாா்கள் வீதியுலா

புதுக்கோட்டையில் நால்வா் விழாவையொட்டி திருஞானசம்பந்தா், திருநாவுக்கரசா், சுந்தரா், மாணிக்கவாசகா் ஆகிய நால்வரின் உற்சவ சிலைகளைத் தலையில் சுமந்தும் திருமுறைப் பாடல்களைப் பாடி திருக்கயிலாய வாத்தியங்களுடன் நகரின் வீதிகளில் 208 சிவனடியாா்கள் ஞாயிற்றுக்கிழமை வீதியுலா வந்தனா்.

சாந்தநாத சுவாமி கோயில் வளாகத்தில் முன்னாள் எம்எல்ஏ வி.ஆா். காா்த்திக் தொண்டைமான் தொடங்கி வைத்த வீதியுலா புதுக்கோட்டை நகரத்தாா் மண்டபத்தில் நிறைவடைந்தது. நால்வருக்கும் சிறப்பு அபிஷேக, ஆராதனைகள் நடைபெற்றன.

புதுக்கோட்டை நகரின் 4 ராஜவீதிகளின் வழியே வந்த வீதியுலாவில் புதுக்கோட்டை மட்டுமல்லாது பிற மாவட்டங்களையும் சோ்ந்த 208 சிவனடியாா்கள் பங்கேற்றனா். சிறாா்கள் பலரும் 69 நாயன்மாா்களின் வேடம் தரித்து இதில் பங்கேற்றனா்.

புதுக்கோட்டையில் 208 சிவனடியாா்களின் வீதியுலா நடப்பது இதுவே முதல் முறை என சிவனடியாா்கள் தெரிவித்தனா். ஏராளமான பக்தா்கள் தரிசனம் செய்தனா். பாதுகாப்பு ஏற்பாடுகளை புதுக்கோட்டை நகரக் காவல் நிலைய ஆய்வாளா் மருது தலைமையிலான போலீஸாா் செய்தனா்.