மாவட்ட மைய நூலகத்தில் ஏப். 18-ல் கட்டுரைப் போட்டி

உலக புத்தக தின விழாவை முன்னிட்டு, தஞ்சாவூர் மாவட்ட மைய நூலகத்தில் ஏப். 18-ம் தேதி கட்டுரைப் போட்டி நடத்தப்படவுள்ளது.

இதுகுறித்து மாவட்ட மைய நூலகத்தின் முதல் நிலை நூலகர் ப. மணிமேகலை தெரிவித்திருப்பது:

பள்ளிக் கல்வித் துறை அமைச்சர் தலைமையில் ஏப். 4, 5-களில் பொது நூலகத் துறை சார்பில் நடைபெற்ற ஆலோசனைக் கூட்டத்தில் வாசகர்களிடையே வாசிக்கும் பழக்கத்தை ஊக்குவிக்கும் வகையில் மாவட்டம்

தோறும் உலக புத்தக தின விழாவை சிறப்பாக நடத்த அறிவுறுத்தப்பட்டது. 

அதன்படி, தஞ்சாவூர் மாவட்ட மைய நூலகத்தில் ஏப். 18-ம் தேதி காலை 10 மணிக்கு வாசகர்களுக்காக என்னை செதுக்கிய நூல்கள் என்ற தலைப்பில் 

கட்டுரை போட்டி நடத்தப்படவுள்ளது.

ஒன்றரை மணிநேரம் நடைபெறவுள்ள இந்தப் போட்டியில் 8 பக்கங்ளுக்கு மிகாமல் எழுத வேண்டும்.

போட்டியில் வெற்றி பெறுபவர்களுக்கு முதல் பரிசாக ரூ. 1,000-ம், இரண்டாம் பரிசாக ரூ. 500-ம், மூன்றாம் பரிசாக ரூ. 350-ம் மற்றும் சான்றிதழ்களும் வழங்கப்படும்.