Enable Javscript for better performance
தமிழ்ப் பல்கலையில் அகராதி வெளியிடத் திட்டம்- Dinamani

சுடச்சுட

    

    தமிழ்ப் பல்கலையில் அகராதி வெளியிடத் திட்டம்

    By தஞ்சாவூர்  |   Published on : 26th April 2013 02:58 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தஞ்சாவூர் தமிழ்ப் பல்கலைக்கழகத்தில் ஆங்கிலம் - தமிழ்  அகராதி வெளியிடத் திட்டமிடப்பட்டுள்ளது என்றார் துணைவேந்தர் ம. திருமலை.

    இந்தப் பல்கலைக்கழகத்தில் அகராதியியல் துறை சார்பில் வியாழக்கிழமை நடைபெற்ற தமிழ் இருமொழி அகராதிகளின் அமைப்பும் வளர்ச்சியும் என்ற தலைப்பில் நடைபெற்ற கருத்தரங்கத்தில் அவர் மேலும் பேசியது:

    தமிழ்ப் பல்கலைக்கழகப் பதிப்புத் துறை மூலம் வெளியிடத் திட்டமிடப்பட்டுள்ள இந்த அகராதி ஆங்கிலம் - தமிழ் என இருமொழி அகராதியாக வெளியிடப்படும். அடுத்த ஐந்தாண்டுகளில்

    பணி நிறைவடையும் என்றார் அவர்.

    திருச்சி திருவள்ளுவர் தவச்சாலை நிறுவனர் இரா. இளங்குமரனார் பேசியது:

    17-ம் நூற்றாண்டில் மேல் நாட்டினர் வருகைக்குப் பிறகே அகராதி தோன்ற மூலமாய் அமைந்தது எனக் கருதப்பட்டது தவறு. ஏனெனில், திருக்குறளில் அகர முதல எழுத்தெல்லாம் என்றும், தொல்காப்பியத்தில் அகர முதல் னகர இறுவாய் என்றும் கூறுகிற தொன்மையான தமிழ் வரலாற்றிலிருந்தே அகராதியின் பழைமையை உணரலாம். 

    அகராதி என்பது மிக அதிக எண்ணிக்கையான சொற்களையும் அதற்கான பொருள்களையும் கொண்டிருக்கும் அறிவுக் கருவூலம்.

     அத்தகைய அகராதியைப் படித்தவனே பண்டிதனாகும் தகுதியைப் பெற இயலும்.

    எனவேதான் அகராதிப் படித்தவன் என்றால் மரியாதைக்கு உரியவனாகக் கருதப்பட்ட சொல் இன்று அகராதிப் பிடித்தவன் (செருக்குடையவன்) என்ற பொருளாக மாறிவிட்டது. 

    வழக்கில் நாம் பயன்படுத்தும் சொற்களை உற்றுக் கவனிக்க வேண்டும். அந்தச் சொல்லின் பொருள் பயன்பாட்டை நுணுக்கமாக ஆராய்தல் அவசியம் என்றார் இளங்குமரனார்.  

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai