Enable Javscript for better performance
சிறுபான்மையின மாணவர்கள் கல்வி உதவித்தொகை பெறலாம்- Dinamani

சுடச்சுட

    

    சிறுபான்மையின மாணவ, மாணவிகள் மத்திய அரசின் கல்வி உதவித்தொகைப் பெற விண்ணப்பிக்கலாம் என மாவட்ட ஆட்சியர் ஆ. அண்ணாதுரை தெரிவித்துள்ளார்.
    இதுகுறித்து அவர் மேலும் தெரிவித்திருப்பது:
    தமிழ்நாட்டில் மத்திய அரசால் சிறுபான்மையினராக அறிவிக்கப்பட்டுள்ள இஸ்லாமியர், கிறிஸ்துவர், சீக்கியர், புத்த மத்தினர், பார்சி மற்றும் ஜைன மதத்தை சார்ந்து அரசு, அரசு உதவி பெறும் மற்றும் மத்திய, மாநில அரசால் அங்கீகரிக்கப்பட்ட தனியார் கல்வி நிலையங்களில் 2019 - 20 ஆம் கல்வியாண்டில் ஒன்று முதல் 10 ஆம் வகுப்பு வரை பயிலும் மாணவ மாணவிகளுக்குப் பள்ளிப் படிப்புக் கல்வி உதவித்தொகையும், 11 ஆம் வகுப்பு முதல் ஆய்வு படிப்பு வரை (ஐடிஐ, ஐடிசி, வாழ்க்கை தொழிற் கல்வி, பாலிடெக்னிக், செவிலியர், ஆசிரியர் பட்டயப்படிப்பு, இளங்கலை, முதுகலைப் பட்டப்படிப்புகள் உட்பட) பயில்பவர்களுக்குப் பள்ளி மேற்படிப்பு கல்வி உதவித்தொகையும் மற்றும் தொழிற்கல்வி மற்றும் தொழில்நுட்பக் கல்வி பயில்பவர்களுக்குத் தகுதி மற்றும் வருவாய் அடிப்படையிலான கல்வி உதவித்தொகை பெறுவதற்கு மத்திய அரசின்   ‌w‌w‌w.‌s​c‌h‌o‌l​a‌r‌s‌h‌i‌p‌s.‌g‌o‌v.‌i‌n என்ற தேசிய கல்வி உதவித்தொகை இணையதளம் மூலம் விண்ணப்பங்கள் வரவேற்கப்படுகின்றன.
    உதவித்தொகை பெறுவதற்கான தகுதிகள், இணையவழியில் விண்ணப்பிக்கும் முறை மற்றும் தேவையான இணைக்கப்பட வேண்டிய ஆவணங்கள், இதர நிபந்தனைகள் அடங்கிய விரிவான விவரங்கள் h‌t‌t‌p://‌w‌w‌w.​b​c‌m​b​c‌m‌w.‌t‌n.‌g‌o‌v.‌i‌n/‌w‌e‌l‌f‌s​c‌h‌e‌m‌e‌s ‌m‌i‌n‌o‌r‌i‌t‌i‌e‌s.‌h‌t‌m  என்ற இணையதளத்தில் வெளியிடப்பட்டுள்ளன.
    மேலும், இத்திட்டம் தொடர்பாக மத்திய அரசால் வெளியிடப்பட்ட வழிகாட்டி நெறிமுறைகள் ‌h‌t‌t‌p://‌w‌w‌w.‌m‌i‌n‌o‌r‌i‌t‌y​a‌f‌f​a‌i‌r‌s.‌g‌o‌v.‌i‌n/‌s​c‌h‌e‌m‌e‌s/  என்ற இணையதளத்தில் வெளியிடப்பட்டுள்ளது.  கூடுதல் விவரங்களுக்கு மாவட்ட ஆட்சியரக வளாகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலரைத் தொடர்பு கொள்ளலாம்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai