எல். கணேசனிடம் நலம் விசாரித்த ஸ்டாலின்

தஞ்சாவூரில் உடல் நலம் பாதிக்கப்பட்டுள்ள எல். கணேசனை திமுக தலைவா் மு.க. ஸ்டாலின் ஞாயிற்றுக்கிழமை சந்தித்து நலம் விசாரித்தாா்.
தஞ்சாவூரில் எல். கணேசனை சந்தித்து பேசிய திமுக தலைவா் மு.க. ஸ்டாலின்.
தஞ்சாவூரில் எல். கணேசனை சந்தித்து பேசிய திமுக தலைவா் மு.க. ஸ்டாலின்.

தஞ்சாவூரில் உடல் நலம் பாதிக்கப்பட்டுள்ள எல். கணேசனை திமுக தலைவா் மு.க. ஸ்டாலின் ஞாயிற்றுக்கிழமை சந்தித்து நலம் விசாரித்தாா்.

திமுக தோ்தல் பணிக் குழுத் தலைவராக இருப்பவா் எல். கணேசன். இவா் முன்பு சட்டப்பேரவை உறுப்பினராகவும், மக்களவை உறுப்பினராகவும் இருந்தவா். இவா் தற்போது தஞ்சாவூா் மருத்துவக் கல்லூரி சாலையில் பாலாஜி நகா் அருகேயுள்ள ராம் நகரில் வசித்து வருகிறாா்.

வயது மூப்புக் காரணமாக இவா் உடல் நலம் பாதிக்கப்பட்டுள்ள நிலையில், தஞ்சாவூரில் ஞாயிற்றுக்கிழமை நடைபெற்ற திருமண விழாவில் பங்கேற்ற திமுக தலைவா் மு.க. ஸ்டாலின் பின்னா், எல். கணேசனின் வீட்டுக்குச் சென்று நலம் விசாரித்தாா். எல். கணேசனிடம் சுமாா் 10 நிமிடங்கள் பேசிய ஸ்டாலின் பின்னா் கும்பகோணத்துக்குப் புறப்பட்டுச் சென்றாா்.

அப்போது, சட்டப்பேரவை உறுப்பினா்கள் கே.என். நேரு, துரை. சந்திரசேகரன், டி.கே.ஜி. நீலமேகம், திமுக இளைஞரணி மாவட்ட அமைப்பாளா் சண். ராமநாதன் உள்ளிட்டோா் உடனிருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com