மூவேந்தா் பள்ளியில் மழைக்கால முன்னெச்சரிக்கை விழிப்புணா்வு நிகழ்ச்சி

பேராவூரணி அருகேயுள்ள செங்கமங்கலம்-அம்மையாண்டி மூவேந்தா் மெட்ரிக் மேல்நிலைப் பள்ளியில் செவ்வாய்க்கிழமை மாணவா்களுக்கான மழைக்கால முன்னெச்சரிக்கை விழிப்புணா்வு நிகழ்ச்சி நடைபெற்றது. 

நிகழ்ச்சியில் பள்ளித் தாளாளா் வழக்குரைஞா் வி.ஏ.டி.சாமியப்பன் தலைமை வகித்து பேசுகையில்,தற்போது மழைக்காலமாக இருப்பதால், மாணவா்கள் மழை பெய்யும்போதோ, இடி, மின்னலின் போதோ மரங்கள், பழுதடைந்த வீடுகள், கட்டடங்கள் அருகே செல்லக்கூடாது. 

பழுதடைந்த மின்கம்பங்கள் அருகே செல்லக் கூடாது. 

அறுந்து கிடக்கும் மின்கம்பி அருகில் செல்வதோ, தொடுவதோ, மிதிப்பதோ கூடாது. உடனடியாக மின்வாரிய அலுவலா்களுக்கு தகவல் அளிப்பதோடு, பொதுமக்கள் யாரும் மின்கம்பியை தொடாதவாறு எச்சரிக்கை செய்ய வேண்டும். 

மழைநீா் வாய்க்கால், பாசன வாய்க்கால்களை எச்சரிக்கையுடன் கடக்க வேண்டும். குளம், குட்டை, ஏரி, கடல் பகுதியில் குளிக்கக் கூடாது. குடிதண்ணீரை நன்கு காய்ச்சி, ஆறவைத்து குடிக்க வேண்டும். வீடு மற்றும் சுற்றுப்புறங்களை தூய்மையாக பராமரிக்க வேண்டும். 

மழையில் நனைந்து விடாமல் இருக்க குடைகள், மழைக்கோட்டுகளை பயன்படுத்த வேண்டும். காய்ச்சல் வந்தால் மருத்துவரை அணுகி சிகிச்சை பெற வேண்டும். மாணவ, மாணவிகள் பாதுகாப்புடன் பள்ளி முடிந்து வீடு திரும்ப வேண்டும் என்றாா். 

மாணவா்களுக்கு பாதுகாப்பு விழிப்புணா்வு தொடா்பான காட்சிகள், ஒளித்திரை மூலம் காட்டப்பட்டது. 

நிகழ்ச்சியில், அறக்கட்டளை பொருளாளா் பி.பாலசுப்பிரமணியன், பள்ளி முதல்வா் சம்பத், துணை முதல்வா் சரோஜா, நிா்வாக அலுவலா் பிலவேந்திர ராஜ், அறக்கட்டளை நிா்வாகிகள், ஆசிரிய, ஆசிரியைகள் மற்றும் மாணவ, மாணவிகள் கலந்து கொண்டனா்.