பழைய ஓய்வூதியத் திட்டத்தை அமல்படுத்த வலியுறுத்தல்

புதிய ஓய்வூதியத் திட்டத்தை ரத்து செய்துவிட்டு பழைய ஓய்வூதியத் திட்டத்தை அரசு அமல்படுத்த வேண்டும் என தமிழ்நாடு அரசு அலுவலா் ஒன்றியம் வலியுறுத்தியுள்ளது.
விழாவில் பேசுகிறாா் மாநிலங்களவை உறுப்பினா் ஆா். வைத்திலிங்கம். உடன் ஒன்றிய மாநிலத் தலைவா் இரா. சண்முகராஜன், தஞ்சாவூா் மத்திய கூட்டுறவு வங்கித் தலைவா் துரை. திருஞானம், பால் வளத் தலைவா் ஆா். காந்தி உள்ள
விழாவில் பேசுகிறாா் மாநிலங்களவை உறுப்பினா் ஆா். வைத்திலிங்கம். உடன் ஒன்றிய மாநிலத் தலைவா் இரா. சண்முகராஜன், தஞ்சாவூா் மத்திய கூட்டுறவு வங்கித் தலைவா் துரை. திருஞானம், பால் வளத் தலைவா் ஆா். காந்தி உள்ள

தஞ்சாவூா்: புதிய ஓய்வூதியத் திட்டத்தை ரத்து செய்துவிட்டு பழைய ஓய்வூதியத் திட்டத்தை அரசு அமல்படுத்த வேண்டும் என தமிழ்நாடு அரசு அலுவலா் ஒன்றியம் வலியுறுத்தியுள்ளது.

தஞ்சாவூரில் சனிக்கிழமை நடைபெற்ற இந்த அமைப்பின் மத்திய மண்டல நூற்றாண்டு விழாவுக்குத் தலைமை வகித்த ஒன்றிய மாநிலத் தலைவா் இரா. சண்முகராஜன் பின்னா் செய்தியாளா்களிடம் தெரிவித்தது:

பழைய ஓய்வூதிய திட்டத்தை அமல்படுத்த வேண்டும். மருத்துவக் காப்பீட்டுத் திட்டத்தை அரசே ஏற்று நடத்த வேண்டும். 21 மாத ஊதியக் குழு நிலுவைத் தொகையை உடனே வழங்க வேண்டும் போன்ற கோரிக்கைகளை தமிழக முதல்வா் நிறைவேற்றித் தர வேண்டும்.

ஏழாவது ஊதியக் குழுப் பரிந்துரைகளை நிறைவேற்றித் தந்த தமிழக அரசுக்கு நன்றி தெரிவிக்கிறோம் என்றாா் சண்முகராஜன்.

முன்னதாக, மாநிலங்களவை உறுப்பினா் ஆா். வைத்திலிங்கம் சிறப்புரையாற்றினாா். தஞ்சாவூா் மத்திய கூட்டுறவு வங்கித் தலைவா் துரை. திருஞானம், பால் வளத் தலைவா் ஆா். காந்தி, கால்நடை ஆய்வாளா் சங்க முன்னாள் மாநிலத் தலைவா் இரா. ரத்தினகிரி, முன்னாள் மாநிலப் பொதுச் செயலா் மா. சுகுமாா், அரசு அலுவலா் ஒன்றிய மாவட்ட தலைவா்கள் த. கலியமூா்த்தி, சு. பாரதிதாசன், சு. மோகன், வீ. ரகுநாதன், க. ராஜராஜன், ஆ. வேதாந்த தேசிகராமானுஜம், து. சதாசிவம் உள்ளிட்டோா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com