முகப்பு அனைத்துப் பதிப்புகள் திருச்சி தஞ்சாவூர்
கூட்டணி குறித்து மாறுபட்ட கருத்து கிடையாது
By DIN | Published On : 28th February 2019 10:50 AM | Last Updated : 28th February 2019 10:50 AM | அ+அ அ- |
கூட்டணி குறித்து மாறுபட்ட கருத்து கிடையாது என்றார் அதிமுக துணை ஒருங்கிணைப்பாளரும், மாநிலங்களவை உறுப்பினருமான ஆர். வைத்திலிங்கம்.
தஞ்சாவூரில் புதன்கிழமை செய்தியாளர்களிடம் அவர் தெரிவித்தது: தேர்தல் கூட்டணி பேச்சுவார்த்தை சுமூகமாக நடைபெற்று வருகிறது. அதிமுகவில் கூட்டணி குறித்து எந்த மாறுபட்ட கருத்தும் கிடையாது. முதல்வரும், துணை முதல்வரும் என்ன முடிவெடுக்கின்றனரோ, அதுதான் கட்சியின் முடிவு. ஜெயலலிதா ஆன்மா எங்களுடன் இருப்பதால்தான் இரு ஆண்டுகளாக ஆட்சி சிறப்பாக நடைபெறுகிறது. ஆட்சியைக் கலைக்க தினகரன் முயற்சித்தும், அதை ஜெயலலிதா ஆன்மா விடவில்லை என்றார் அவர்.
