அனைத்து சமூக மக்கள் பங்கேற்ற கோயில் விழா

கும்பகோணம் அருகேயுள்ள கிராமத்தில் அனைத்து சமூக மக்களும் பங்கேற்ற கோயில் விழா செவ்வாய்க்கிழமை நடைபெற்றது.
கும்பகோணம் அருகே திருப்பனந்தாள் பகுதி சோழியவிளாகம் கிராமத்தில் மகா மாரியம்மன் கோயில் உள்ளது. பிரசித்தி பெற்ற இக்கோயிலில் 8 ஆண்டுகளுக்கு முன்பு புனரமைப்பு செய்யப்பட்டு, குடமுழுக்கு விழா நடத்தப்பட்டது. அப்போது நடந்த சுவாமி வீதியுலாவில் இரு சமூகத்தினருக்கும் இடையே தகராறு ஏற்பட்டது. இதனால் 8 ஆண்டுகளாகத் திருவிழா நடைபெறாமல் பூட்டிக் கிடந்தது. இந்நிலையில், சோழியவிளாகத்தைச் சேர்ந்த சிலர் அனைத்து சமூக மக்களின் குடியிருப்புப் பகுதிகளுக்கும் சுவாமி ஊர்வலம் நடத்துவது என முடிவு செய்யப்பட்டது. இதைத்தொடர்ந்து, செவ்வாய்க்கிழமை இவ்விழா நடைபெற்றது.