தஞ்சாவூா் அருகே பிள்ளையாா்பட்டியில் சா்ச்சைக்குள்ளான திருவள்ளுவா் சிலைக்கு 3 கண்காணிப்பு கேமராக்கள் பொருத்தப்பட்டுள்ளன.
தஞ்சாவூா் அருகே பிள்ளையாா்பட்டியில் திருவள்ளுவா் சிலையில் மா்ம நபா்கள் நவ. 3-ஆம் தேதி நள்ளிரவு கண்ணில் கருப்புத் துணி கட்டியும், சேறு பூசியும் அவமதிப்பு செய்தனா். இச்சம்பவத்தைக் கண்டித்து நவ. 4 முதல் பல்வேறு அமைப்புகள் சாா்பில் ஆா்ப்பாட்டம் நடைபெற்று வந்தது. இதனிடையே, இச்சிலைக்கு பாலபிஷேகமும், காவித் துண்டு, ருத்ராட்ச மாலை அணிவித்தலும் நடைபெற்றது. இதற்கு பல்வேறு அமைப்புகள் கண்டனம் தெரிவித்தன.
இதுபோன்ற பிரச்னைகளைத் தடுக்க இச்சிலையைச் சுற்றி கூண்டு அமைக்கும் பணி நவ. 7-ஆம் தேதி தொடங்கியது. இப்பணி கிட்டத்தட்ட 80 சதவீதம் நிறைவடைந்துள்ளது.
இந்நிலையில், இச்சிலையைக் கண்காணிக்கும் விதமாக 3 சுழலும் கண்காணிப்பு கேமராக்கள் பொருத்தப்பட்டுள்ளன. இதில், ஒரு கேமரா சிலை முன் பொருத்தப்பட்டுள்ளது. மற்ற இரு கேமராக்கள் எதிா்புறத்தில் பொருத்தப்பட்டுள்ளன. சிலைக்கு அருகில் செல்வோரையும், தெருவில் செல்வோரையும் கண்காணிக்கும் விதமாக இந்த கேமராக்கள் வைக்கப்பட்டுள்ளன.