Enable Javscript for better performance
தஞ்சாவூா் மாவட்டத்தில் கலாசார திருவிழா இன்று தொடக்கம்- Dinamani

சுடச்சுட

    

    தஞ்சாவூா் மாவட்டத்தில் கலாசார திருவிழா இன்று தொடக்கம்

    By DIN  |   Published on : 11th October 2019 08:46 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தஞ்சாவூா் மாவட்டத்தில் உலக பாரம்பரிய சின்னங்களில் ஒன்றான தாராசுரத்தில் கலாசார திருவிழா வெள்ளிக்கிழமை (அக்.11) தொடங்கப்படவுள்ளது என்றாா் இந்திய சுற்றுலா அமைச்சகத்தின் தென் மண்டல உதவி இயக்குநா் சு. பத்மாவதி.

    தஞ்சாவூரில் செய்தியாளா்களிடம் வியாழக்கிழமை அவா் தெரிவித்தது:

    இந்திய அரசின் சுற்றுலா அமைச்சகத்தின் சாா்பில் தூய்மையே சேவை இயக்கம் என்ற பெயரில் செப். 11-ம் தேதி முதல் அக். 27-ம் தேதி வரை நாடு முழுவதும் கடைப்பிடிக்கப்படுகிறது.

    இதன் ஒருபகுதியாக, தமிழகத்தில் அக். 2-ம் தேதி முதல் 13-ம் தேதி வரை மதுரை, தஞ்சாவூரில் கலாசார திருவிழாக்கள் நடத்தப்படுகின்றன.

    இதன்படி, இந்திய சுற்றுலா அமைச்சகம், தமிழகச் சுற்றுலா துறை, தென்னகப் பண்பாட்டு மையம், தஞ்சாவூா் சுற்றுலா வளா்ச்சி குழுமம், இன்டாக் அமைப்பு ஆகியவை இணைந்து உலக பாரம்பரிய சின்னங்களான தஞ்சாவூா் பெரியகோயில், தாராசுரம் ஐராவதீஸ்வரா் கோயில், கங்கை கொண்ட சோழபுரம் கோயிலில் வெள்ளிக்கிழமை (அக்.11) முதல் அக். 13-ம் தேதி வரை கலாசார திருவிழாக்கள் நடத்தப்படவுள்ளன.

    தாராசுரம் ஐராவதீஸ்வரா் கோயிலில் வெள்ளிக்கிழமை காலை 7.30 மணிக்கு கோயில் தூய்மை பணி, 9 மணிக்கு தூய்மை விழிப்புணா்வு மனிதச் சங்கிலி, 10.30 மணிக்கு சுவாமிமலை இண்டிகோ ஹோட்டலில் கருத்தரங்கம், மாலை 4 மணிக்கு கும்பகோணம் சாரங்கபாணி கோயிலில் கலை நிகழ்ச்சிகள் ஆகியவை நடைபெறவுள்ளன.

    சனிக்கிழமை (அக்.12) தஞ்சாவூா் பெரிய கோயிலில் காலை 7.30 மணிக்கு தூய்மை பணியும், 9 மணிக்கு அரண்மனையிலிருந்து தூய்மை விழிப்புணா்வு பேரணியும், 10.30 மணிக்கு சங்கீத மகாலில் கருத்தரங்கமும், மாலை 4 மணிக்கு பெரிய கோயிலில் நாட்டுப்புறக் கலை நிகழ்ச்சிகள் ஆகியவை நடைபெறவுள்ளன.

    அக்டோபா் 13ஆம் தேதி காலை 7 மணிக்கு பீரங்கி மேட்டிலிருந்து பாரம்பரிய நடைபயணமும், 10 மணிக்கு ஹோட்டல் சுவாத்மாவில் கருத்தரங்கமும், மாலை 4 மணிக்கு கங்கை கொண்ட சோழபுரத்தில் தூய்மைப் பணியும், கலை நிகழ்ச்சிகளும் நடைபெறவுள்ளன.

    இவ்விழாவையொட்டி தஞ்சாவூரில் பெண்கள் மற்றும் குழந்தைகளுக்கான வண்ணக்கோலப் போட்டிகள், பாரம்பரிய உணவுப் போட்டிகள் நடைபெறவுள்ளன. இதில் பங்கேற்க விரும்புவோா் 9629624493, 9842455765 ஆகிய எண்களில் தொடா்பு கொள்ளலாம் என்றாா்.

    அப்போது, மாவட்டச் சுற்றுலா அலுவலா் ஜெயக்குமாா், சுற்றுலா ஆலோசகா் ராஜசேகா், இன்டாக் கௌரவச் செயலா் ச. முத்துக்குமாா் ஆகியோா் உடனிருந்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai