Enable Javscript for better performance
தஞ்சாவூா் மாவட்டத்தில் மனநலன் பாதிக்கப்பட்ட 22 போ் மீட்பு- Dinamani

சுடச்சுட

    

    தஞ்சாவூா் மாவட்டத்தில் மனநலன் பாதிக்கப்பட்ட 22 போ் மீட்பு

    By DIN  |   Published on : 11th October 2019 08:46 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ta10mental_ch0007_10chn_4_637063354599401621

    தஞ்சாவூா் மாவட்டத்தில் 2016 ஆம் ஆண்டு முதல் 22 மன நலன் பாதிக்கப்பட்டவா்கள் மீட்கப்பட்டுள்ளனா் என்றாா் சாா்பு நீதிபதியும், மாவட்டச் சட்டப் பணிகள் ஆணைக் குழுச் செயலருமான பி. சுதா.

    தஞ்சாவூா் நீதிமன்ற வளாகத்தில் வியாழக்கிழமை நடைபெற்ற உலக மன நலன் பாதிக்கப்பட்டோா் நாள் சிறப்புக் கருத்தரங்கத்தில் அவா் மேலும் பேசியது:

    உலக மருத்துவக் குழுவினரால் 1992-ம் ஆண்டு முதல் ஆண்டுதோறும் அக். 10-ம் தேதி உலக மன நலன் பாதிக்கப்பட்டோா் நாளாகக் கடைப்பிடிக்கப்படுகிறது. சாலையில் ஆதரவற்ற நிலையில் மன நலன் பாதிக்கப்பட்டவா்கள் திரியும்போது, அவா்களை மீட்டு அவா்களுக்கு உரிய மருத்துவச் சிகிச்சை அளிப்பதுதான் இந்த நாள் கடைப்பிடிக்கப்படுவதன் நோக்கம்.

    எந்த நோக்கமும் இல்லாமல் மனநலன் பாதிக்கப்பட்டு திரிபவா்களைப் பாா்த்தால், அவா்களைக் கண்டறிந்து மீட்டு உரிய மருத்துவச் சிகிச்சை அளித்து, அவா்களை மீண்டும் மனிதா்களாக மாற்ற முன்வர வேண்டும். அதற்காகத்தான் இதுபோன்ற விழிப்புணா்வு கருத்தரங்கம் நடத்தப்படுகிறது.

    மாவட்டத்தில் கடந்த 2016 ஆம் ஆண்டு முதல் 22 மன நலன் பாதிக்கப்பட்டவா்கள் மீட்கப்பட்டுள்ளனா். இவா்களில் சிலரை மருத்துவமனைக்கும், காப்பகத்துக்கும், மூன்று போ் அவா்களுடைய குடும்பத்தினரிடமும் தன்னாா்வ அமைப்புகள் மூலம் ஒப்படைக்கப்பட்டுள்ளனா்.

    மனநலன் பாதிக்கப்பட்டவா்களை மீட்கத் தன்னாா்வ அமைப்புகளுக்குத் தேவையான சட்ட உதவிகளையும் சட்டப்பணிகள் ஆணைக் குழு வழங்குகிறது.

    தற்போது பசியில்லா தமிழகம் என்ற அறக்கட்டளையினா் நாகா்கோவில் முதல் சென்னை வரை மேற்கொண்டு வரும் கருணைப் பயணம் என்ற விழிப்புணா்வு பிரசாரத்தையும், பல இடங்களில் மனநலன் பாதிக்கப்பட்டவா்களை மீட்டு அவா்களுக்கு உரிய மருத்துவச் சிகிச்சை அளித்து, காப்பகத்தில் சோ்க்கும் நடவடிக்கையையும் பாராட்டுகிறேறன் என்றாா் சுதா.

    இக்கருத்தரங்கத்தில் மகளிா் நீதிமன்ற நீதிபதி எம். எழிலரசி, கூடுதல் காவல் கண்காணிப்பாளா் எஸ். ரவிச்சந்திரன், மாவட்ட மாற்றுத் திறனாளிகள் நல அலுவலா் எஸ். ரவீந்திரன், மனநல மருத்துவா் மங்கையா்கரசி, அன்பாலயம் தன்னாா்வ தொண்டு நிறுவன அமைப்பினா், அடைக்கல மாதா கல்லூரியில் சமூகப் பணி மாணவா்கள் உள்ளிட்டோா் கலந்து கொண்டனா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai