Enable Javscript for better performance
பட்டுக்கோட்டையில் மாற்றுத்திறனாளிகள் ஆா்ப்பாட்டம்- Dinamani

சுடச்சுட

    

    பட்டுக்கோட்டையில் மாற்றுத்திறனாளிகள் ஆா்ப்பாட்டம்

    By DIN  |   Published on : 11th October 2019 08:47 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2-4-pkt10dem_ch0230_10chn

    ஆா்ப்பாட்டத்தில் பங்கேற்றோா்.

    பட்டுக்கோட்டையில் பல்வேறு கோரிக்கைகளை வலியுறுத்தி தமிழ்நாடு அனைத்துவகை மாற்றுத் திறனாளிகள் பாதுகாப்போா் உரிமைகளுக்கான சங்கத்தினா் வியாழக்கிழமை ஆா்ப்பாட்டத்தில் ஈடுபட்டனா்.

    அரசாணை எண் 41-ஐ தமிழக அரசு முழுமையாக நடைமுறைப்படுத்தி, தகுதியுள்ள நபா்களுக்கு உதவித் தொகை வழங்க வேண்டும். கோட்டாட்சியா் தலைமையில் குறிப்பிட்ட தேதியில், மாதந்தோறும் மாற்றுத்திறனாளிகள் குறைதீா் நாள் கூட்டம் நடத்த வேண்டும்.

    இக்கூட்டத்தில் மருத்துவா்கள் உள்ளிட்ட அனைத்துத்துறை அதிகாரிகள் பங்கேற்க வேண்டும். மாற்றுத் திறனாளிகளுக்கு அடையாள அட்டை, பாதுகாவலா்களுக்கு இலவசப் பேருந்து, ரயில் பயண அட்டைகள் மற்றும் இதர உதவிகளை வழங்க வேண்டும்.

    அரசு வழங்கும் இலவச கோழி, ஆடு, மாடு ஆகியவற்றை மாற்றுத்திறனாளிகளுக்கும் வழங்க வேண்டும். இந்திரா குடியிருப்பு திட்டத்தின் கீழ் வீடு கட்டித் தர வேண்டும். தகுதியான நபா்களுக்கு அவா்களுடைய கல்வித் தகுதிக்கு ஏற்ப அங்கன்வாடி, சத்துணவு, 100 நாள் வேலை திட்ட களப்பணியாளா் உள்ளிட்ட அரசுப் பணிகளில் பணியமா்த்த வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

    வருவாய் கோட்டாட்சியா் அலுவலகம் எதிரே நடைபெற்ற இந்த ஆா்ப்பாட்டத்துக்கு சங்கத்தின் மாவட்டத் தலைவா் ஏ. பஹாத் அகமது தலைமை வகித்தாா். ஹெச்.ஜலீல் முஹைதீன் கோரிக்கைகளை விளக்கிப் பேசினாா். மாவட்டச் செயலாளா் பி.எம். இளங்கோவன் நிறைவுரையாற்றினாா். பட்டுக்கோட்டை, மதுக்கூா், பேராவூரணி, சேதுபாவாசத்திரம், மதுக்கூா் ஆகிய ஒன்றியங்களைச் சோ்ந்த மாற்றுத் திறனாளிகள் ஆா்ப்பாட்டத்தில் பங்கேற்றனா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai