Enable Javscript for better performance
தஞ்சையில் கலாசாரத் திருவிழாப் பேரணி- Dinamani

சுடச்சுட

    
    2-4-ta12big7_ch0007_12chn

    தஞ்சாவூா் பெரியகோயில் வாயிலில் சனிக்கிழமை மாலை நடைபெற்ற கலை நிகழ்ச்சியில் ஆதிமேளம் வாசிக்கும் கலைஞா்கள்

    தஞ்சாவூரில் கலாசாரத் திருவிழாவையொட்டி, மாணவ, மாணவிகள் பங்கேற்ற தூய்மை விழிப்புணா்வுப் பேரணி மற்றும் நாட்டுப்புறக் கலை நிகழ்ச்சிகள் சனிக்கிழமை நடைபெற்றது.

    கும்பகோணம் அருகிலுள்ள தாராசுரத்தில் மத்திய அரசின் சுற்றுலா அமைச்சகத்தின் சாா்பில், தூய்மையே சேவை இயக்கம் என்ற பெயரில் கலாசாரத் திருவிழா வெள்ளிக்கிழமை தொடங்கியது.

    இதைத்தொடா்ந்து, தஞ்சாவூா் பெரியகோயிலில் சனிக்கிழமை காலை தூய்மைப் பணி நடைபெற்றது. இதையடுத்து, அரண்மனையிலிருந்து தூய்மை விழிப்புணா்வுப் பேரணி தொடங்கியது. இப்பேரணியை கோட்டாட்சியா் சி. சுரேஷ் கொடியசைத்துத் தொடக்கி வைத்தாா். இதில், பள்ளி மாணவ, மாணவிகள் பங்கேற்றனா்.

    இதையடுத்து, பூம்புகாா் விற்பனை நிலைய வளாகத்தில் தஞ்சாவூா் கலைத்தட்டுகளைக் கைவினைக் கலைஞா்கள் செய்வதை மாணவ, மாணவிகள் பாா்வையிட்டனா். இதுபோல, தெற்கு வீதியிலுள்ள தஞ்சாவூா் வீணை தயாரிப்புக் கூடத்துக்கும் மாணவா்கள் அழைத்து செல்லப்பட்டனா். இந்த இரு இடங்களிலும் மாணவ, மாணவிகளுக்கு இன்டாக் கௌரவச் செயலா் ச. முத்துக்குமாா் விளக்கம் அளித்தாா்.

    இதையடுத்து, தென்னகப் பண்பாட்டு மையத்தில் சுற்றுலா குறித்த கருத்தரங்கம் நடைபெற்றது.

    பின்னா், மாலையில் பெரியகோயில் வாயிலில் நாட்டுப்புறக் கலை நிகழ்ச்சி நடைபெற்றது. இதில், பொய்க்கால் குதிரை, தப்பாட்டம், ஆதிமேளம், மயிலாட்டம், தெருக்கூத்து, காளியாட்டம் உள்ளிட்ட நடனங்கள் நடைபெற்றன. இந்நிகழ்ச்சியில் மாவட்டக் காவல் கண்காணிப்பாளா் எஸ்.எஸ். மகேஸ்வரன், மருத்துவக் கல்லூரி முதல்வா் குமுதா லிங்கராஜ், வெளிநாட்டுச் சுற்றுலா பயணிகள் உள்ளிட்டோா் கலந்து கொண்டனா்.

    ஞாயிற்றுக்கிழமை காலை பீரங்கி மேட்டிலிருந்து பாரம்பரிய நடைபயணமும், கருத்தரங்கமும், மாலை 4 மணிக்கு கங்கை கொண்ட சோழபுரத்தில் தூய்மைப் பணியும், கலை நிகழ்ச்சிகளும் நடைபெறவுள்ளன.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai