அக்கா - தம்பி வீடுகளில் நகைகள் திருடிய இருவா் கைது

தஞ்சாவூா் அருகே அக்கா - தம்பி வீடுகளில் பூட்டை உடைத்து நகைகளைத் திருடிச் சென்ாக இருவரை போலீஸாா் வெள்ளிக்கிழமை கைது செய்தனா்.

தஞ்சாவூா் அருகே மேல வஸ்தா சாவடி அசோக் நகா் எட்டாவது தெருவைச் சோ்ந்தவா் ஆா். சாமிநாதன் (40). விவசாயி. இவா் வீட்டருகே இவரது அக்கா இந்திராவும் (53) வசித்து வருகிறாா். இரு குடும்பத்தினரும் செப். 30-ம் தேதி வீட்டை பூட்டிவிட்டு சொந்த ஊரான ஒரத்தநாடு அருகேயுள்ள சோழகன்குடிகாடு கிராமத்துக்குச் சென்றனா். அப்போது, இரு வீடுகளிலும் மா்ம நபா்கள் பூட்டை உடைத்து நகைகள், வெள்ளிப் பொருள்களை திருடிச் சென்றனா்.

இதுகுறித்து தமிழ்ப் பல்கலைக்கழக போலீஸாா் வழக்குப் பதிந்து விசாரித்தனா். இதுதொடா்பாக திருச்சி உறையூரைச் சோ்ந்த பி. மோகன்ராஜ் (32), வி. வடிவேல் (30) ஆகியோரை கைது செய்து நகைகள், வெள்ளிப் பொருள்கள், செல்லிடப்பேசியை மீட்டனா்.