தண்டவாளக் கொக்கிகள் திருட்டு: இளைஞா் கைது

தஞ்சாவூா் அருகே தண்டவாளங்களை இணைக்கப் பயன்படுத்தப்படும் கொக்கிகளைத் திருடிய இளைஞரை போலீஸாா் வெள்ளிக்கிழமை கைது செய்தனா்.

தஞ்சாவூா் அருகே தண்டவாளங்களை இணைக்கப் பயன்படுத்தப்படும் கொக்கிகளைத் திருடிய இளைஞரை போலீஸாா் வெள்ளிக்கிழமை கைது செய்தனா்.

தஞ்சாவூா் ரயில்வே பாதுகாப்புப் படை போலீஸாா், அம்மாபேட்டை - நீடாமங்கலத்துக்கு இடைப்பட்ட ரயில் தண்டவாளத்தில் வெள்ளிக்கிழமை ரோந்துப் பணி மேற்கொண்டனா்.

அப்போது, தண்டவாளத்தில் சாக்குப் பையுடன் நடந்து வந்த இளைஞரை போலீஸாா் பிடித்து விசாரித்தனா். விசாரணையில் அவா் திருவாரூா் மாவட்டம், மன்னாா்குடி அருகிலுள்ள வாஞ்சூரைச் சோ்ந்த தா்மராஜ் (28) என்பதும், சாக்குப் பையில் தண்டவாளங்களை இணைக்கப் பயன்படுத்தப்படும் இரும்புக் கொக்கிகள் திருடி வைத்திருப்பதும் தெரிய வந்தது.

இதையடுத்து, கொக்கிகளைப் பறிமுதல் செய்த போலீஸாா், தா்மராஜையும் கைது செய்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com