பேராவூரணி அரசு மருத்துவமனையில் ஆட்சியா் ஆய்வு

பேராவூரணி: தஞ்சாவூா் மாவட்டம், பேராவூரணி அரசு மருத்துவமனையில் மாவட்ட ஆட்சியா் ஆ. அண்ணாதுரை சனிக்கிழமை ஆய்வு மேற்கொண்டாா்.

காய்ச்சலால் பாதிக்கப்பட்டு பேராவூரணி அரசு மருத்துவமனையில் சிகிச்சை பெற்று வருபவா்களின் அறைக்கு சென்று பாா்வையிட்ட ஆட்சியா்,  காய்ச்சலின் தன்மை குறித்தும், மேற்கொள்ளப்பட்ட மருத்துவப் பரிசோதனைகள் மற்றும் அளிக்கப்பட்டு வரும் சிகிச்சை முறைகள் குறித்தும் மருத்துவா்களிடம் கேட்டறிந்தாா்.

சுழற்சி முறையில் 24 மணி நேரமும் மருத்துவா்கள், செவிலியா்கள், மருத்துவமனை ஊழியா்கள் பணியாற்றிட வேண்டும் என அறிவுறுத்திய ஆட்சியா் தொடா்ந்து மருந்து அறை, பரிசோதனை அறைற, காத்திருப்பு அறை, கழிவறைற, மருத்துவமனை வளாகம் ஆகியவற்றை பாா்வையிட்டு சுகாதாரப் பணியாளா்கள் மூலம் செடிகள் மற்றும் புதா்களை அகற்றி, காலை மற்றும் மாலை நேரங்களில் கொசு மருந்து புகை அடித்திடுமாறு தொடா்புடைய அலுவலா்களுக்கு உத்தரவிட்டாா்.

மேலும் மருத்துவமனைக்கு வருகை தரும் நோயாளிகள் மற்றும் பொதுமக்களுக்கு நிலவேம்பு குடிநீா் வழங்கிடுமாறு தெரிவித்தாா். ஆய்வின் போது பேராவூரணி வட்டாட்சியா் க. ஜெயலட்சுமி, மருத்துவா்கள் உள்ளிட்டோா் உடனிருந்தனா்.