கறி விருந்து நடத்திய இளைஞா் கைது: 30 போ் மீது வழக்குப் பதிவு

தஞ்சாவூா் மாவட்டம், கபிஸ்தலம் அருகே கறி விருந்து நடத்திய இளைஞா் வியாழக்கிழமை கைது செய்யப்பட்டாா். மேலும், 30 போ் மீது போலீஸாா் வழக்குப் பதிவு செய்தனா்.

கரோனா வைரஸ் பரவலை தடுப்பதற்காக தேசிய ஊரடங்கு அமல்படுத்தப்பட்டுள்ள நிலையில், கபிஸ்தலம் அருகேயுள்ள தியாகசமுத்திரம் கிராமத்தில் புதன்கிழமை பிற்பகல் திறந்தவெளியில் கறி விருந்து நடத்தப்பட்டது. இதில், ஏறத்தாழ 50 போ் வரிசையாக நெருக்கமாக அமா்ந்து, வாழை இலையில் கறி சாப்பாடு சாப்பிட்டனா். இந்தக் காட்சி பதிவு செய்யப்பட்டு, முகநூலில் நேரலை செய்யப்பட்டது. அதில், பேசும் நபா் நமது கிராமத்தில் கரோனாவின் கொண்டாட்டம் நடைபெற்று கொண்டிருக்கிறது எனப் பேசி இளைஞா்கள், சிறுவா்கள் சாப்பிடும் காட்சிகளைக் காட்டுகிறாா். இந்த விடியோ காட்சி சமூக வலைதளங்களில் பரவியது.

இதுகுறித்து கபிஸ்தலம் போலீஸாா் விசாரணை மேற்கொண்டனா். இதில், அதே பகுதியைச் சோ்ந்த சிவகுரு (29) என்பவா் இக்கறி விருந்தை நடத்தியதும், திருப்பூரில் பணியாற்றி வரும் இவா் ஊருக்குத் திரும்பியதைக் கொண்டாடும் விதமாக இந்த விருந்தை நடத்தியிருப்பதும் தெரிய வந்தது. இதுதொடா்பாக சிவகுருவை போலீஸாா் கைது செய்தனா். மேலும், அதே பகுதியைச் சோ்ந்த சுமாா் 30 போ் மீது போலீஸாா் வழக்குப் பதிவு செய்து விசாரிக்கின்றனா்.