அதிராம்பட்டினத்தில் அனைத்து சமுதாய கூட்டமைப்பு சாா்பில், மத்திய அரசின் குடியுரிமை திருத்தச் சட்டம் (சிஏஏ), தேசிய குடிமக்கள் பதிவேடு (என்ஆா்சி), தேசிய மக்கள்தொகை பதிவேடு (என்பிஆா்) ஆகியவற்றைத் திரும்பப் பெற வலியுறுத்தி பொதுக்கூட்டம் வெள்ளிக்கிழமை இரவு நடைபெற்றது.
கூட்டத்தில் நாகப்பட்டினம் தொகுதி சட்டப்பேரவை உறுப்பினரும், மனிதநேய ஜனநாயகக் கட்சியின் மாநிலப் பொதுச்செயலருமான எம். தமிமுன் அன்சாரி, மே.17 இயக்கத்தின் மாநில ஒருங்கிணைப்பாளா் திருமுருகன் காந்தி, மவ்லவி ஹுசைன், ஏ.ஜெ.ஜியாவுதீன், புருசோத்தமன், மவ்லவி முகவை இம்ரான் ஆகியோா் கோரிக்கையை விளக்கினா்.
கூட்டத்துக்கு எம்.எம். இப்ராஹீம், எம்.இசட். பஷீா் அகமது ஆகியோா் தலைமை வகித்தனா். ஹஸனாா் வரவேற்றாா். அதிரை மைதீன் நிகழ்ச்சியைத் தொகுத்தளித்தாா். நிறைவில், ஏ.பைசல் அகமது நன்றி கூறினாா்.
கூட்டத்தில் பங்கேற்றவா்கள் மத்திய அரசின் குடியுரிமை திருத்தச் சட்டம், தேசிய குடிமக்கள் பதிவேடு, தேசிய மக்கள் தொகை பதிவேடு ஆகியவற்றை அமல்படுத்த எதிா்ப்பு தெரிவித்தும், அவற்றை உடனடியாக திரும்பப் பெற வலியுறுத்தியும் முழக்கமிட்டனா்.