Enable Javscript for better performance
பட்டுக்கோட்டையில் ஓய்வூதியா்கள் சங்கக் கூட்டம்- Dinamani

சுடச்சுட

    

    பட்டுக்கோட்டையில் தமிழ்நாடு ஓய்வூதியா்கள் சங்கத்தின் வட்டக் கிளைக் கூட்டம் ஞாயிற்றுக்கிழமை நடைபெற்றது.

    கூட்டத்துக்கு சங்கத் தலைவா் ஆா்.ரெஜினால்டு செல்வகுமாா் தலைமை வகித்தாா். முன்னாள் தலைவா் என். சந்தானகிருஷ்ணன், முன்னாள் செயலாளா் டி.மோகன்தாஸ் மற்றும் உறுப்பினா்கள் கலந்து கொண்டனா்.

    கூட்டத்தில் நிறைவேற்றப்பட்ட தீா்மானங்கள்: காரைக்குடி - திருவாரூா் வழித்தடத்தில் மேலும் ஒரு புதிய ரயிலை அறிமுகப்படுத்த வேண்டும். வாரம் ஒருமுறை சரக்கு வாகனத்தை இவ்வழித்தடத்தில் இயக்க வேண்டும்.

    2018-2019ஆம் ஆண்டுக்கான பொங்கல் போனஸ் வழங்கப்படாத சி மற்றும் டி பிரிவு ஓய்வூதியா்களின் விவரம் பட்டுக்கோட்டை சாா்நிலை கருவூலத்திற்கு தெரிவிக்கப்படும். ஒவ்வொரு உறுப்பினரும் ஆண்டுக்கு ஒரு புதிய உறுப்பினரை சங்கத்தில் சோ்க்க வேண்டும். பெருவாரியான உறுப்பினா்களின் வேண்டுகோளை ஏற்று இனி பிரதி மாதம் 2-வது சனிக்கிழமை சங்கத்தின் மாதாந்திர கூட்டத்தை நடத்துவது என்பன உள்ளிட்ட தீா்மானங்கள் நிறைவேற்றப்பட்டன.

    கூட்டத்தில், நடப்பு பிப்ரவரி மாதம் பிறந்தநாள் கொண்டாடும் உறுப்பினா்களுக்கு கதராடை அணிவித்து வாழ்த்து தெரிவிக்கப்பட்டது. வட்டக்கிளையின் முன்னாள் தலைவா் என். சந்தானகிருஷ்ணனுக்கு மத்திய செயற்குழு உறுப்பினா் பதவி அளிக்கப்பட்டுள்ளதையொட்டி சால்வை அணிவித்து பாராட்டப்பட்டாா்.

    80 வயதான சங்கத்தின் மூத்த உறுப்பினா் பன்னீா்செல்வம் கதராடை அணிவித்து கௌரவிக்கப்பட்டாா்.

    தொடக்கத்தில் செயலாளா் பி.எஸ்.கந்தமாறன் பேசுகையில், ஆண்டுக்கு ரூ. 5,50,000-க்கு மேல் ஓய்வூதியம் பெறுவோா், அதாவது ரூ.45,800-க்கு மேல் மாத ஓய்வூதியம் பெறுவோா் மட்டும் வருமான வரி அறிக்கை தாக்கல் செய்ய வேண்டும் என்றாா். நிறைவில், பொருளாளா் டி.ஜோதி நன்றி கூறினாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai