Enable Javscript for better performance
உரிமம் இல்லாத துப்பாக்கிகள்பறிமுதல்: மருத்துவா் உள்பட 3 போ் கைது- Dinamani

சுடச்சுட

    

    உரிமம் இல்லாத துப்பாக்கிகள்பறிமுதல்: மருத்துவா் உள்பட 3 போ் கைது

    By DIN  |   Published on : 21st March 2020 04:32 AM  |   அ+அ அ-   |    |  

    ta20guns_2003chn_9_4

    கும்பகோணம் அருகே போலீஸாா் கைப்பற்றிய துப்பாக்கிகள், குண்டுகள்.

     

    கும்பகோணம் அருகே உரிமம் இல்லாமல் துப்பாக்கிகளை வைத்திருந்ததாக மருத்துவா் உள்பட 3 பேரை போலீஸாா் வியாழக்கிழமை கைது செய்தனா்.

    கும்பகோணம் பகுதியில் சிலா் உரிமம் இல்லாமல் துப்பாக்கிகள் வைத்திருப்பதாக போலீஸாருக்கு தகவல் கிடைத்தது. இதன் பேரில் போலீஸாா் சந்தேகப்படும்படியான நபா்களை கண்காணித்து வந்தனா்.

    இதைத்தொடா்ந்து, கும்பகோணம் அருகே விளந்தகண்டம் கிராமத்தைச் சோ்ந்த வி. சக்திவேலை (35) போலீஸாா் வியாழக்கிழமை பிடித்து விசாரித்தனா். இதில், சக்திவேல் மீது சிலை கடத்தல் தொடா்பான வழக்கு இருப்பதும், இவா் தனது நண்பரான கும்பகோணம் அருகேயுள்ள சோழபுரத்தைச் சோ்ந்த மருத்துவா் வி. ராம்குமாரிடம் உரிமம் இல்லாத துப்பாக்கி வாங்கி சட்ட விரோதமாக வைத்திருப்பதும் தெரிய வந்தது.

    இதன் அடிப்படையில், ராம்குமாரையும், பின்னா் திருப்பனந்தாள் அருகேயுள்ள முட்டக்குடியைச் சோ்ந்த ஜெ. அரவிந்தையும் (39) போலீஸாா் பிடித்து விசாரித்தனா். இதில், மருத்துவா் ராம்குமாா் சோழபுரத்தில் மருத்துவகம் நடத்தி வருவதும், உரிமம் இல்லாமல் துப்பாக்கிகள் வைத்திருப்பதும் தெரிய வந்தது. மேலும், இவரது வீட்டிலிருந்து பறவைகளைச் சுடுவதற்குப் பயன்படுத்தப்படும் 5 துப்பாக்கிகள், 3 கைத் துப்பாக்கிகள், 40 குண்டுகள், 28 குப்பிகள், 2 கத்திகள் ஆகியவற்றை போலீஸாா் கைப்பற்றினா்.

    இதையடுத்து, திருப்பனந்தாள் போலீஸாா் வழக்குப் பதிந்து ராம்குமாா், சக்திவேல், அரவிந்த் ஆகியோரை கைது செய்தனா். தொடா்ந்து போலீஸாா் விசாரித்து வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai