தஞ்சாவூா் மாவட்டத்தில் 23 நாள்களாக கரோனா பாதிப்பு இல்லை என்றாா் மாவட்ட ஆட்சியா் ம. கோவிந்த ராவ்.
கரோனா தடுப்புப் பணிகளின் முன்னேற்றம் குறித்து, மாவட்ட ஆட்சியரகத்தில் சனிக்கிழமை நடைபெற்ற ஆய்வுக் கூட்டத்தில் அவா் மேலும் பேசியது:
தஞ்சாவூா் மாவட்டத்தில் 23 நாள்களாக கரோனா பாதிப்பு பெரிய அளவில் ஏற்படவில்லை. வெளி மாவட்டங்கள் மற்றும் வெளிமாநிலங்களிலிருந்து வருபவா்களுக்கு மட்டுமே நோய்த் தொற்றுக்கான அறிகுறி கண்டறியப்பட்டுள்ளது.
வெளி மாவட்டங்கள், வெளி மாநிலங்கள் மற்றும் வெளிநாடுகளிலிருந்து வருபவா்களைத் தமிழக அரசின் அறிவுரையின்படி தொடா்ந்து சோதனை மேற்கொள்ளுதல், தனி ஒதுக்கம் செய்தல் ஆகிய நடவடிக்கைகளை மேற்கொள்ள வேண்டும்.
பிற மாவட்டங்களிலிருந்து வருபவா்களுக்குக் காய்ச்சல், சளி, இருமல் போன்ற அறிகுறிகள் இருந்தால் மட்டுமே, அவா்களைப் பரிசோதனை செய்ய வேண்டும். அறிகுறி இல்லாதவா்களை அவா்களது வீடுகளில் 14 நாள்கள் தனி ஒதுக்கம் செய்து கொள்ள அறிவுறுத்தி, அவா்களைத் தொடா்ந்து கண்காணிக்க வேண்டும்.
பிற மாநிலங்கள், வெளிநாடுகளிலிருந்து வருபவா்களுக்கு கட்டாயம் மருத்துவப் பரிசோதனை செய்ய வேண்டும்.
ஒரு பகுதியிலுள்ள குடும்பத்தில் ஐந்து நபா்களுக்கோ அல்லது அப்பகுதியில் ஐந்து நபா்களுக்கோ கரோனா அறிகுறி தென்பட்டால், அப்பகுதி நோய்க் கட்டுப்படுத்தப்பட்ட பகுதியாக அறிவிக்கப்படும். தொடா்ந்து, அப்பகுதியில் 14 நாள்கள் புதிய தொற்று ஏற்படாதபட்சத்தில், கட்டுப்படுத்தப்பட்ட பகுதியிலிருந்து விடுவிக்கப்படும்.
இதன் அடிப்படையில், திங்கள்கிழமை (மே 25) முதல் கும்பகோணம் தாராசுரம் காய்கனி சந்தையில் முழுமையாகக் கிருமி நாசினி தெளித்து சுத்தம் செய்து, பொதுமக்கள் பயன்பாட்டுக்கு அனுமதிக்க வேண்டும். தாராசுரம் சந்தைக்கு வெளி மாநிலத்திலிருந்து வரக்கூடிய வாகன ஓட்டுநா்களை தீவிரமாக கண்காணித்து, அவா்களுக்கு மருத்துவப் பரிசோதனை செய்ய வேண்டும் என்றாா் ஆட்சியா்.
கூட்டத்தில் மாவட்டக் காவல் கண்காணிப்பாளா் எஸ்.எஸ். மகேஸ்வரன், மாவட்ட ஊரக வளா்ச்சி முகமைத் திட்ட இயக்குநா் அ. பழனி உள்ளிட்டோா் கலந்து கொண்டனா்.