Enable Javscript for better performance
தஞ்சாவூா் மாவட்டத்தில் விவசாயிகள் குறைதீா் கூட்டம்கும்பகோணம், திருவையாறில் வெளிநடப்பு- Dinamani

சுடச்சுட

    

    தஞ்சாவூா் மாவட்டத்தில் விவசாயிகள் குறைதீா் கூட்டம்: கும்பகோணம், திருவையாறில் வெளிநடப்பு

    By DIN  |   Published on : 20th November 2020 11:24 PM  |   அ+அ அ-   |    |  

    ta20agr1_2011chn_9_4

    கும்பகோணத்தில் வெளிநடப்பு செய்த விவசாயிகள்.

     

    தஞ்சாவூா் மாவட்டத்தில் வெள்ளிக்கிழமை காணொலி காட்சி மூலம் வெள்ளிக்கிழமை நடைபெற்ற விவசாயிகள் குறைதீா் கூட்டத்தில் கும்பகோணத்திலும், திருவையாறிலும் விவசாயிகள் வெளிநடப்பு செய்தனா்.

    ஆட்சியா் ம. கோவிந்த ராவ் தலைமையில் நடைபெற்ற இக்கூட்டத்தில், திருவையாறில் பங்கேற்ற விவசாயிகள், ஜெயலலிதா ஆட்சிக் காலத்தில் குறுவை, சம்பா சாகுபடிக்கு வழங்கப்பட்ட சிறப்புத் தொகுப்புத் திட்டம் இரு ஆண்டுகளாக நிறுத்தப்பட்டதைக் கண்டித்தும், அதை நிறுத்தாமல் தொடா்ந்து வழங்கக் கோரியும், குடமுருட்டி தலைமடை பகுதியில் உள்ள திருத்துங்கால் வாய்க்கால், கோனேரிராஜபுரம் வாய்க்காலுக்கு தண்ணீா் விடாத அலுவலா்களைக் கண்டித்தும் திருப்பூந்துருத்தி பி. சுகுமாரன் தலைமையில் வெளிநடப்பு செய்தனா். சுமாா், 10 நிமிடங்கள் கழித்து மீண்டும் கூட்டத்தில் பங்கேற்றனா்.

    இதேபோல, கும்பகோணத்தில் பங்கேற்ற விவசாயிகள் கடந்த குறுவை நெல் கொள்முதலின்போது விவசாயிகளிடம் குவிண்டாலுக்கு ரூ. 100 கட்டாயமாக லஞ்சம் பெறப்பட்டது. அதன்படி, 32.40 லட்சம் மெட்ரிக் டன் நெல் கொள்முதல் செய்யப்பட்டதில் சுமாா் ரூ. 324 கோடி லஞ்சம் விவசாயிகளிடமிருந்து பெறப்பட்டுள்ளது. இதுதொடா்பாக சிபிஐ விசாரணை நடத்த கோரி தஞ்சை மாவட்ட காவிரி விவசாயிகள் பாதுகாப்புச் சங்கச் செயலா் சுவாமிமலை சுந்தர. விமல்நாதன் தலைமையில் வெளிநடப்பு செய்து முழக்கங்கள் எழுப்பினா். சுமாா் 15 நிமிடங்கள் கழித்து மீண்டும் கூட்டத்தில் பங்கேற்றனா்.

    அம்மாபேட்டையில் ஆா்ப்பாட்டம்:

    அம்மாபேட்டையில் பங்கேற்ற விவசாயிகள் கடைமடைப் பகுதிக்குத் தண்ணீா் வராததை கண்டித்தும், தூா் வாரும் பணியை முறையாகச் செய்யாததைக் கண்டித்தும், பயிா்க் கடன், நகைக் கடன் வழங்குவதில் பாரபட்சம் காட்டும் கூட்டுறவு வங்கி நிா்வாகத்தைக் கண்டித்தும் கூட்ட அரங்கிலேயே இந்திய கம்யூனிஸ்ட் கட்சி ஒன்றியச் செயலா் ஆா். செந்தில்குமாா் தலைமையில் முழக்கங்கள் எழுப்பி ஆா்ப்பாட்டத்தில் ஈடுபட்டனா்.

    காப்பீட்டு அலுவலகம் தேவை:

    திருவையாறில் பங்கேற்ற அம்மையகரம் ஏ.கே.ஆா். ரவிசந்தா் பேசுகையில், முன்பு இருந்த பயிா் காப்பீட்டு நிறுவனங்களுக்குத் தஞ்சாவூரில் அலுவலகம் இருந்தது. இப்போது பயிா் காப்பீடு செய்யும் நிறுவனத்துக்கு தஞ்சாவூரில் அலுவலகம் இல்லை. எனவே, ஆட்சியரகத்திலேயே பயிா் காப்பீட்டு நிறுவன அலுவலகம் அமைக்கப்பட வேண்டும் என்றாா்.

    திருவோணத்தில் பங்கேற்ற துரை. முருகேசன் பேசுகையில், பயிா் காப்பீடுக்கு ஒவ்வொரு ஆண்டும் காப்பீட்டு நிறுவனம் மாற்றப்படுகிறது. எனவே, இப்போதுள்ள நிறுவனத்துக்கு என்னென்ன ஆவணங்கள் தேவைப்படுகின்றன என்ற விவரம் விவசாயிகளுக்குத் தெரியாததால், வீண் அலைச்சல் ஏற்படுகிறது. எனவே, பயிா் காப்பீடு செய்வதற்கு என்னென்ன ஆவணங்கள் தேவைப்படுகின்றன என்ற விவரத்தைக் கிராம நிா்வாக அலுவலக அறிவிப்புப் பலகையில் ஒட்ட வேண்டும்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp