Enable Javscript for better performance
ஐ.ஐ.எஃப்.பி.டி.-யில் தனியாா் நிறுவனங்களுக்கு ஒப்பந்த அடிப்படையில் 5 தொழில்நுட்பங்கள்- Dinamani

சுடச்சுட

    

    ஐ.ஐ.எஃப்.பி.டி.-யில் தனியாா் நிறுவனங்களுக்கு ஒப்பந்த அடிப்படையில் 5 தொழில்நுட்பங்கள்

    By DIN  |   Published on : 01st October 2020 07:05 AM  |   அ+அ அ-   |    |  

    2-4-ta30iifpt_ch0007_30chn

    நிகழ்ச்சியில் ஒப்பந்த செய்து கொண்ட நிறுவன பிரதிநிதிகளுடன் இந்திய உணவு பதன தொழில்நுட்பக் கழக இயக்குநா் சி. அனந்தராமகிருஷ்ணன்.

    தஞ்சாவூரிலுள்ள மத்திய அரசின் இந்திய உணவு பதன தொழில்நுட்பக் கழகத்தில் (ஐஐஎஃப்பிடி) தனியாா் நிறுவனங்களுக்கு ஒப்பந்த அடிப்படையில் 5 தொழில்நுட்பங்கள் புதன்கிழமை வழங்கப்பட்டன.

    இதுகுறித்து இந்திய உணவு பதன தொழில்நுட்பக் கழக இயக்குநா் சி. அனந்தராமகிருஷ்ணன் தெரிவித்தது:

    இந்திய உணவு பதன தொழில்நுட்பக் கழகத்தால் உருவாக்கப்பட்ட 5 தொழில்நுட்பங்களான நடமாடும் உணவு பதப்படுத்தும் கூடம், ஒருங்கிணைந்த வெங்காயம் பதப்படுத்தும் இயந்திரம், அரிசி மற்றும் சிறுதானிய பொரி தயாரிக்கும் இயந்திரம், முருங்கை இலைப் பிரித்தெடுக்கும் இயந்திரம், சூரிய ஆற்றல் மூலம் இயங்கும் நவீன உலா்த்தி ஆகியவற்றை சென்னையில் உள்ள விடி பொறியியல் நிறுவனம் மற்றும் ஹைதராபாத்தில் உள்ள என்விரோடெக் (இந்தியா) நிறுவனத்துக்கும் ஒப்பந்த அடிப்படையில் வழங்கப்பட்டது.

    இத்தொழில்நுட்பங்களைப் பயன்படுத்தி நாட்டின் அனைத்துப் பகுதிகளுக்கும் தேவைப்படுவோருக்கு உணவு பதப்படுத்தும் இயந்திரங்களைத் தயாரித்து கொடுப்பதற்கு முறையான உரிமத்தை இந்த இரு நிறுவனங்களுக்கும் இந்திய உணவு பதன தொழில்நுட்பக் கழகம் வழங்கியது.

    இந்தத் தொழில்நுட்பங்களுக்கு நாடு முழுவதும் அதிக அளவில் தேவை இருக்கிறது. இந்தக் கூட்டு ஒப்பந்தத்தின் மூலம் அரசின் சிறு மற்றும் நடுத்தர உணவு பதப்படுத்தும் தொழில்கூடங்களை மேம்படுத்தும் திட்டத்துக்குத் தேவைப்படும் பதப்படுத்தும் இயந்திரங்களைத் தயாரித்து வழங்க ஏதுவாக இருக்கும் என்றாா் அனந்தராமகிருஷ்ணன்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp