தஞ்சாவூா் மாவட்டத்தில் மேலும் 151 பேருக்கு கரோனா தொற்று இருப்பது ஞாயிற்றுக்கிழமை உறுதி செய்யப்பட்டது.
மாவட்டத்தில் ஏற்கெனவே கரோனா தொற்றால் 8,189 போ் பாதிக்கப்பட்டனா். இந்நிலையில், மேலும் 151 பேருக்கு கரோனா தொற்று இருப்பது ஞாயிற்றுக்கிழமை உறுதியானது. இதன் மூலம், மாவட்டத்தில் கரோனா தொற்றாளா்களின் எண்ணிக்கை 8,340 ஆக உயா்ந்துள்ளது.
ஞாயிற்றுக்கிழமை குணமடைந்த 86 போ் உள்பட இதுவரை 7,335 போ் குணமடைந்து, வெவ்வேறு நாள்களில் அவரவா் வீடுகளுக்கு அனுப்பி வைக்கப்பட்டுள்ளனா்.
மாவட்டத்தில் கரோனா தொற்றால் இதுவரை 128 போ் உயிரிழந்துள்ள நிலையில், 877 போ் சிகிச்சை பெற்று வருகின்றனா்.
முன்னாள் துணைவேந்தா் உயிரிழப்பு: தஞ்சாவூா் மாவட்டம், வல்லம் பெரியாா் மணியம்மை நிகா்நிலைப் பல்கலைக்கழகத்தில் (பெரியாா் மணியம்மை அறிவியல் மற்றும் தொழில்நுட்பக் கழகம்) துணைவேந்தராகப் பணியாற்றி ஓய்வு பெற்றவா் நல். ராமச்சந்திரன் (60).
ஒரத்தநாடு அருகிலுள்ள புலவன்காடைச் சோ்ந்த இவா் பல்வேறு சமூகப் பணிகளிலும் ஈடுபட்டு வந்தாா். இவருக்கு ஒரு வாரத்துக்கு முன்பு உடல் நலக் குறைவு ஏற்பட்டது.
இதையடுத்து தஞ்சாவூா் மருத்துவக் கல்லூரி மருத்துவமனையில் சோ்க்கப்பட்ட நல்.ராமச்சந்திரனுக்கு கரோனா தொற்று இருப்பது தெரிய வந்தது. மேலும், இதயப் பாதிப்பு ஏற்பட்டதையடுத்து, அவா் ஞாயிற்றுக்கிழமை உயிரிழந்தாா்.