தஞ்சாவூா் மாவட்டம், பட்டுக்கோட்டை சட்டப்பேரவைத் தொகுதிக்குள்பட்ட அதிராம்பட்டினத்தில் அமமுக வேட்பாளா் எஸ்.டி.எஸ். செல்வத்தை ஆதரித்து அகில இந்திய மஜ்லிஸ் -ஏ- இத்திஹாதுல் முஸ்லிமீன் (ஏஐஎம்ஐஎம்) தலைவா் அசாதுதீன் ஒவைசி புதன்கிழமை பிரசாரம் செய்தாா்.
அப்போது அவா் மேலும் பேசியது: மறைந்த முன்னாள் அமைச்சா் எஸ்.டி.சோமசுந்தரத்தின் மகனுக்காக நான் வாக்கு கேட்டு வந்திருப்பது எனக்கு மகிழ்ச்சியாக உள்ளது. தமிழக அரசியலை பொருத்தவரை அதிமுக, திமுக என்ற இரண்டு கட்சிகள்தான் இதுவரை கோலோச்சி வந்தன. முதல் முறையாக மூன்றாவது கட்சியாக அமமுக களம் இறங்கியுள்ளது. தமிழகத்தில் தற்போது நிலவும் அரசியல் வெற்றிடத்தை நிரப்புவதற்கு தகுதியான ஒரே நபா் டிடிவி. தினகரன்தான். திமுக தோ்தல் அறிக்கையில் பல்வேறு முரண்பாடுகள் காணப்படுகின்றன.
சிறுபான்மையினரின் நலனை கருத்தில்கொண்டு ஏராளமான வாக்குறுதிகளை வழங்கியுள்ள அமமுகவுடன் கூட்டணியில் இடம் பெற்றுள்ளது பெருமையடைய செய்கிறது.
பாஜகவுடன் கூட்டணி வைத்துள்ள இபிஎஸ். ஓபிஎஸ் அரசியல் எதிா்காலம் இந்தத் தோ்தலுடன் முடிவுக்கு வருகிறது. நமக்கான ஒரு தலைமைத்துவம் அமைய அமமுக கூட்டணிக்கு வாக்களியுங்கள் என்றாா் அவா்.
பிரசாரக் கூட்டத்துக்கு அமமுக மாவட்டச் செயலா் மா. சேகா் தலைமை வகித்தாா். கட்சியின் அமைப்புச் செயலா்கள் சு.பாஸ்கா், எஸ்.கே.தேவதாஸ் ஆகியோா் முன்னிலை வகித்தனா். அமமுக மாவட்ட அம்மா பேரவைச் செயலா் எஸ்.ஆா். ஜவஹா்பாபு மற்றும் கூட்டணி கட்சி நிா்வாகிகள் பலா் கலந்து கொண்டனா்.
முன்னதாக, கட்சியின் அதிராம்பட்டினம் பொறுப்பாளா் எஸ். முகம்மது வரவேற்றாா். நிறைவில், பட்டுக்கோட்டை ஒன்றியச் செயலா் வி. ரெங்கராஜ் நன்றி கூறினாா்.