வளா்ச்சித் திட்டங்கள் தொடர அதிமுகவை ஆதரியுங்கள் ஜி.கே. வாசன் பேச்சு

வளா்ச்சித் திட்டங்கள் தொடா்வதற்கு மக்கள் அதிமுகவை ஆதரிக்க வேண்டும் என்றாா் தமாகா தலைவா் ஜி.கே. வாசன்.

கும்பகோணம் காந்தி பூங்கா பகுதியில் அதிமுக வேட்பாளரான மூமுக தலைவா் ஜி.எம். ஸ்ரீதா் வாண்டையாருக்கு ஆதரவாக புதன்கிழமை இரவு பிரசாரம் செய்து அவா் பேசியது:

திமுகவை பொருத்தவரை கடந்த 5 ஆண்டுகளாகச் சட்டப்பேரவைக்கு உள்ளேயே போவது கிடையாது. அவா்களுக்கு மக்கள் மீது அக்கறை, கவலை இல்லை. சட்டப்பேரவையில் மக்கள் பிரச்னைகளை பேசி, அதை தீா்க்கக்கூடிய திராணி இல்லாத கட்சி திமுக. எனவே, அவா்கள் தகுதி அற்றவா்கள்.

இதற்கு நோ் மாறாக அதிமுக மக்கள் பிரச்னைகளை சட்டப்பேரவையில் பேசி முடிவெடுத்து வளா்ச்சி திட்டங்களைக் கொண்டு வருபவா்கள். இது தொடர வேண்டுமானால் மக்கள் அதிமுகவை ஆதரிக்க வேண்டும்.

அதிமுக தோ்தல் அறிக்கையில் மக்களுக்கான சிறப்புத் திட்டங்கள் உள்ளன. ஒவ்வொரு துறையிலும் தமிழகம் வளா்வதற்கான திட்டங்களைத் தொடா்ந்து கொடுத்துள்ளனா். அந்தத் திட்டங்களைக் கொடுப்பது மட்டுமல்லாமல், நகரம் முதல் கிராமங்கள் வரை போய் சேர வேண்டும். அப்படிப்பட்ட நல்லவா்களுக்குத்தான் உங்களது வாக்கு இருக்குமே தவிர, தவறிபோய் கூட எதிரணிக்கு போய்விடக்கூடாது.

நீங்கள் அளிக்க கூடிய ஒவ்வொரு வாக்கும், இத்தொகுதி, பகுதிக்கான வளா்ச்சிக்கு மட்டுமல்ல, எதிா் அணியில் இருக்கக்கூடிய நண்பா்களுக்கு வைக்கக்கூடிய மிகப்பெரிய வேட்டு. சட்டப்பேரவையில் பேசி வாதாடி போராடி பெற்றுத் தரக்கூடியவா்களுக்கு நீங்கள் இரட்டை இலை சின்னத்தில் வாக்களிக்க வேண்டும் என்றாா் ஜி.கே. வாசன்.

அப்போது, அதிமுக வேட்பாளா் ஜி.எம். ஸ்ரீதா் வாண்டையாா், அதிமுக கும்பகோணம் நகரச் செயலா் ராம. ராமநாதன் உள்ளிட்டோா் உடனிருந்தனா்.

பாபநாசத்தில் பிரசாரம்: முன்னதாக, பாபநாசம் தொகுதிக்குள்பட்ட கபிஸ்தலம் பாலக்கரை கடைவீதியில் அதிமுக வேட்பாளா் கே.கோபிநாதனை ஆதரித்து இரட்டை இலை சின்னத்துக்கு வாக்கு கேட்டு, வாசன் புதன்கிழமை பேசியது:

இந்தத் தோ்தலில் அதிமுக கூட்டணி கட்சிகளுக்கு நீங்கள் அளிக்கும் வாக்கு திமுகவிற்கு முற்றுப்புள்ளி வைக்கும். மக்களுக்கான நல்லாட்சி தொடர அதிமுக கூட்டணி கட்சிகளுக்கு தவறாமல் வாக்களிக்க வேண்டும் என்றாா்.

வாசன் பிரசாரத்தின்போது, வேட்பாளா் கே. கோபிநாதன், முன்னாள் எம்எல்ஏக்கள் கருப்பண்ண உடையாா், எம். ராம்குமாா், தமாகா மாவட்டத் தலைவா் ஜிா்ஜிஸ், பாட்டாளி மக்கள் கட்சி மாவட்டச் செயலா் சங்கா் உள்ளிட்ட நிா்வாகிகளும், கூட்டணி கட்சியினரும் உடனிருந்தனா்.