தஞ்சாவூா் அருகே பாஜக பிரமுகரின் வீடு சூறையாடப்பட்டதைத் தொடா்ந்து, அதிமுக நிா்வாகி உள்பட 12 பேரைக் காவல் துறையினா் சனிக்கிழமை கைது செய்தனா்.
தஞ்சாவூா் அருகிலுள்ள கள்ளப்பெரம்பூா் முதன்மைச் சாலையைச் சோ்ந்தவா் ஆசைக்கனி (50). இவா் பாஜக தெற்கு மாவட்டச் செயலராக உள்ளாா்.
இவருக்கும், அதே பகுதியைச் சோ்ந்த சிலருக்கும் பிரதமரின் வீடு கட்டும் திட்டத்துக்கு மணல் எடுப்பது தொடா்பாக பிரச்னை இருந்து வந்தது.
இந்நிலையில் ஆசைக்கனி குடும்பத்தினா் வெளியூா் சென்றிருந்த நிலையில், அவரது வீடு வெள்ளிக்கிழமை இரவு சூறையாடப்பட்டது. இதில் வீட்டிலிருந்த பொருள்கள், கதவு, முன் பக்கம் இருந்த இரு சக்கர வாகனம் உள்ளிட்டவை சேதமடைந்தன.
இதுகுறித்து கள்ளப்பெரம்பூா் காவல் நிலையத்தில் ஆசைக்கனி மகள் சுகந்தி புகாா் செய்தாா். இதன் பேரில் காவல் துறையினா் வழக்குப்பதிந்து, அதே பகுதியைச் சோ்ந்த அதிமுக மேற்கு ஒன்றிய அவைத் தலைவா் கே. மோகன்தாஸ் (49), பி. ராகுல் (27), எஸ். கோகுல் (23), டி. தினேஷ் (28), கே. லெனின் (29), எஸ். வீரமணி (23), சுரேஷ்குமாா் (27) உள்பட 12 பேரை சனிக்கிழமை கைது செய்தனா்.