Enable Javscript for better performance
தஞ்சாவூா் மாவட்டத்தில் தயாராகி வரும் வாக்கு எண்ணிக்கை மையங்கள்- Dinamani

சுடச்சுட

    

    தஞ்சாவூா் மாவட்டத்தில் தயாராகி வரும் வாக்கு எண்ணிக்கை மையங்கள்

    By DIN  |   Published on : 29th April 2021 06:56 AM  |   அ+அ அ-   |    |  

    ta28coun062715

    தஞ்சாவூரிலுள்ள வாக்கு எண்ணிக்கை மையமான குந்தவை நாச்சியாா் அரசு மகளிா் கல்லூரி வாயிலில் அமைக்கப்படும் தடுப்புகள்.

    தஞ்சாவூா் மாவட்டத்திலுள்ள மூன்று வாக்கு எண்ணிக்கை மையங்களும் தயாராகி வருகின்றன.

    தஞ்சாவூா் மாவட்டத்தில் திருவிடைமருதூா், கும்பகோணம், பாபநாசம், திருவையாறு, தஞ்சாவூா், ஒரத்தநாடு, பட்டுக்கோட்டை, பேராவூரணி ஆகிய 8 தொகுதிகள் உள்ளன. இவற்றில் திருவிடைமருதூா், கும்பகோணம், பாபநாசம் ஆகிய தொகுதிகளில் பதிவான வாக்குப் பதிவு இயந்திரங்கள் கும்பகோணம் அரசுக் கலைக் கல்லூரியிலும், திருவையாறு, தஞ்சாவூா், ஒரத்தநாடு ஆகிய தொகுதிகளில் பதிவான வாக்குப் பதிவு இயந்திரங்கள் தஞ்சாவூா் குந்தவை நாச்சியாா் அரசு மகளிா் கல்லூரியிலும், பட்டுக்கோட்டை, பேராவூரணி தொகுதிகள் பதிவான வாக்குப் பதிவு இயந்திரங்கள் பட்டுக்கோட்டை அரசு ஆண்கள் மேல்நிலைப் பள்ளியிலும் பாதுகாப்பு அறையில் வைக்கப்பட்டுள்ளன.

    14 மேஜைகள்: இந்த மூன்று மையங்களிலும் வாக்கு எண்ணிக்கைக்கான ஏற்பாடுகள் நடைபெற்று வருகின்றன. ஒவ்வொரு தொகுதிக்கும் 14 மேஜைகள் போடப்படுகின்றன.

    இதில், திருவிடைமருதூா் தொகுதியில் 355 வாக்குப் பதிவு இயந்திரங்கள் 26 சுற்றுகளாகவும், கும்பகோணம் தொகுதியில் 378 வாக்குப் பதிவு இயந்திரங்கள் 27 சுற்றுகளாகவும், பாபநாசம் தொகுதியில் 362 வாக்குப்பதிவு இயந்திரங்கள் 26 சுற்றுகளாகவும், திருவையாறு தொகுதியில் 385 வாக்குப் பதிவு இயந்திரங்கள் 28 சுற்றுகளாகவும், தஞ்சாவூா் தொகுதியில் 406 வாக்குப் பதிவு இயந்திரங்கள் 29 சுற்றுகளாகவும், ஒரத்தநாடு தொகுதியில் 340 வாக்குப் பதிவு இயந்திரங்கள் 25 சுற்றுகளாகவும், பட்டுக்கோட்டை தொகுதியில் 345 வாக்குப் பதிவு இயந்திரங்கள் 25 சுற்றுகளாகவும், பேராவூரணி தொகுதியில் 315 வாக்குப் பதிவு இயந்திரங்கள் 23 சுற்றுகளாகவும் எண்ணப்படவுள்ளன.

    முகவா்களுக்கு கரோனா பரிசோதனை: அனைத்து மேஜைகளிலும் ஒவ்வொரு வேட்பாளரின் ஒரு முகவா் நின்று வாக்கு எண்ணிக்கையைக் கண்காணிப்பாா். இதனிடையே, வாக்கு எண்ணிக்கை மையத்துக்குச் செல்லும் வேட்பாளா்களின் முகவா்களுக்கு கரோனா பரிசோதனை செய்து, தொற்று இல்லை என்பதற்கான சான்றிதழ் தோ்தல் அலுவலா்களிடம் வழங்க வேண்டும் என தோ்தல் ஆணையம் அறிவித்துள்ளது.

    இதன்படி, தஞ்சாவூா் மாவட்டத்தில் அந்தந்த தொகுதியிலுள்ள வட்டாட்சியா் அலுவலகத்தில் முகவா்களுக்கான கரோனா பரிசோதனை புதன்கிழமை மேற்கொள்ளப்பட்டது. இதில் அரசியல் கட்சிகள், சுயேச்சை வேட்பாளா்களின் முகவா்கள் பரிசோதனை செய்து கொண்டனா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp