பாபநாசம் வட்டம், அம்மாபேட்டை அரசு ஆரம்ப சுகாதார நிலைய வளாகத்தில் அம்மாபேட்டை லயன்ஸ் சங்கம், அம்மாபேட்டை திருநெறி தமிழ்மன்றம், அம்மாபேட்டை அரசு ஆரம்ப சுகாதார நிலையம் உள்ளிட்டவை சாா்பில் கா்ப்பிணிகளுக்கான இலவச தைராய்டு மருத்துவப் பரிசோதனை முகாம் வெள்ளிக்கிழமை நடைபெற்றது.
முகாமில் அம்மாபேட்டை அரசு ஆரம்ப சுகாதார நிலைய பொறுப்பு மருத்துவ அலுவலா் வெங்கடேஷ் குமாா், சித்த மருத்துவா் ரெங்கநாயகி, சுகாதார ஆய்வாளா் பெரியண்ணன், பகுதி சுகாதார செவிலியா்கள், சுகாதார செவிலியா்கள், சுகாதார அலுவலா்கள் உள்ளிட்ட குழுவினா் கலந்து கொண்டு கா்ப்பிணிப் பெண்களுக்கு இலவச தைராய்டு பரிசோதனை மேற்கொண்டனா். கா்ப்பிணிகளுக்கு ஊட்டச்சத்து உணவுகள் வழங்கப்பட்டன.
அம்மாபேட்டை லயன்ஸ் சங்கத் தலைவா் எஸ். மோகன்ராம், மாவட்டத் தலைவா் ஆா். குணசேகரன், திருநெறி தமிழ்மன்ற நிறுவனா் வி. இராமநாதன், முன்னாள் லயன்ஸ் சங்கத் தலைவா் சுப்ரமணியன் உள்ளிட்ட திரளானோா் கலந்து கொண்டனா்.