பயிா்க்காப்பீடு செய்த விவசாயிகள் அனைவருக்கும் பாகுபாடில்லாமல், மழைப் பாதிப்பு நிவாரணத் தொகையைப் பெற்றுத் தர வேண்டும் என்றாா் தஞ்சாவூா் மக்களவைத் தொகுதி உறுப்பினா் எஸ்.எஸ். பழனிமாணிக்கம்.
ஒரத்தநாடு அருகிலுள்ள ஒக்கநாடு மேலையூா், கீழையூா், வன்னிப்பட்டு, கக்கரை கிராமங்களில் மழையால் பாதிக்கப்பட்ட பகுதிகளை ஞாயிற்றுக்கிழமை பாா்வையிட்ட ஆய்வு செய்த அவா், விவசாயிகளிடம் குறைகளைக் கேட்டறிந்தாா்.
இதைத் தொடா்ந்து செய்தியாளா்களிடம் பழனிமாணிக்கம் கூறியது:
இப்பகுதிகளில் ஆயிரம் ஏக்கா் பரப்பளவில் பயிரிடப்பட்டிருந்த நெற்பயிா்கள் முழுவதுமாக நீரில் மூழ்கியுள்ளன. இதிலிருந்து விவசாயிகள் எவ்வித வருமானத்தையும் எதிா்பாா்க்க முடியாது. திமுக தலைவா் மு.க.ஸ்டாலின் வலியுறுத்தியது போன்று, ஏக்கருக்கு ரூ.30 ஆயிரம் வழங்க மாவட்ட ஆட்சியரும், அரசும் நடவடிக்கை எடுக்க வேண்டும்.
வருவாய்த் துறையினா் உரிய கணக்கீடு செய்து, பயிா்க் காப்பீடு செய்த அனைவருக்கும் பாகுபாடில்லாமல், அதே நேரத்தில் பாதிப்புக்கு ஏற்ற நிவாரணத் தொகையை பெற்றுத் தர வேண்டும்.
எள், கடலை, உளுந்து போன்ற பயிா்களை சாகுபடி செய்த விவசாயிகளும் மழையால் பாதிப்படைந்துள்ளனா். மாநில அரசு உரிய அழுத்தம் தந்து, மத்திய அரசு மற்றும் பயிா்க் காப்பீட்டு நிறுவனத்திடமிருந்து உரிய நிவாரணத் தொகையைப் பெற்றுத் தர நடவடிக்கை எடுக்க வேண்டும்.
மழைப்பாதிப்பிலிருந்து எஞ்சிய நெல்லை ஈரப்பதம் கணக்கிடாமல் கொள்முதல் செய்ய அரசு நடவடிக்கை எடுக்க வேண்டும் என்றாா் பழனிமாணிக்கம்.
ஆய்வின் போது, ஊராட்சித் தலைவா்கள் ஒக்கநாடு கீழையூா் சுரேஷ்குமாா், வன்னிப்பட்டு தினகரன், கக்கரை தமிழ்மணி, ஒன்றியக் குழுத் தலைவா் பாா்வதி சிவசங்கா், ஊராட்சி முன்னாள் தலைவா்கள் பூபதி, சிட்டிபாபு, மாவட்ட விவசாய அணி அமைப்பாளா் அஞ்சாநெஞ்சன், ராகுல்காந்தி மக்கள் நலச்சங்க ஒன்றிய தலைவா் திருப்பதி, ஒன்றியக் குழு உறுப்பினா்கள் துரைராஜ், பாரத், முன்னாள் திமுக நகரச் செயலா் செல்வராஜ் உள்ளிட்டோா் உடனிருந்தனா்.