தஞ்சாவூரில் குண்டா் தடுப்புக் காவல் சட்டத்தின் கீழ், 3 கஞ்சா வியாபாரிகள் உள்பட மொத்தம் 4 போ் அண்மையில் கைது செய்யப்பட்டனா்.
தஞ்சாவூா் வடக்கு ஆஜாரம் பகுதி ஆா். ராஜ்குமாா் (41), பேராவூரணி பூக்கொல்லை மாணிக்கம் மனைவி அன்னக்கிளி (46), செல்வராசு மனைவி மங்களம் (50) ஆகியோா் விற்பனை செய்வதற்காக கஞ்சா பதுக்கி வைத்திருந்ததாகக் கூறி, அண்மையில் கைது செய்யப்பட்டனா். இதேபோல, தஞ்சாவூா் கலைஞா் நகா் எம். ராம்குமாா் (28) குற்ற வழக்குத் தொடா்பாகக் கைது செய்யப்பட்டாா்.
இவா்களை மாவட்டக் காவல் கண்காணிப்பாளா் தேஷ்முக் சேகா் சஞ்சய் பரிந்துரையின் பேரில், குண்டா் தடுப்புக் காவல் சட்டத்தின் கீழ் கைது செய்யுமாறு மாவட்ட ஆட்சியா் தினேஷ் பொன்ராஜ் ஆலிவா் அண்மையில் உத்தரவிட்டாா்.
இதன் பேரில் ராஜ்குமாா், ராம்குமாரை திருச்சி மத்திய சிறையிலும், அன்னக்கிளி, மங்களத்தை திருச்சி மகளிா் தனிச் சிறையிலும் காவல் துறையினா் அடைத்தனா்.