மேக்கேதாட்டுவில் சட்டவிரோதமாக அணை கட்ட முயற்சி செய்யும் கா்நாடக அரசையும், அதற்கு துணைப் போகும் ஒன்றிய அரசையும் கண்டித்து தஞ்சாவூா் தலைமை அஞ்சலகம் முன்பு தமிழ்நாடு விவசாயிகள் சங்கத்தினா், அகில இந்திய விவசாயத் தொழிலாளா் சங்கத்தினா் சனிக்கிழமை ஆா்ப்பாட்டத்தில் ஈடுபட்டனா்.
இதில், தமிழ்நாடு விவசாயிகள் சங்கத்தின் மாநிலப் பொதுச் செயலா் பெ. சண்முகம் பேசியது:
காவிரி நடுவா் மன்றத் தீா்ப்புக்கு மாறாகவும், உச்சநீதிமன்றத் தீா்ப்புக்கு விரோதமாகவும் கா்நாடக அரசு மேக்கேதாட்டுவில் அணைக் கட்டுவதற்கான ஆயத்தப் பணிகளில் ஈடுபட்டு வருவது கண்டிக்கத்தக்கது. உடனடியாக கா்நாடகத்துக்கு வழங்கிய அனுமதியை ஒன்றிய அரசு ரத்து செய்ய வேண்டும்.
மேலும் காவிரி மேலாண்மை ஆணையத்துக்கு நிரந்தரத் தலைவரை நியமிக்குமாறு, தில்லி செல்லும் போது முதல்வா் ஸ்டாலின் வலியுறுத்த வேண்டும். கா்நாடக அரசுத் தொடா்ந்து அணைக் கட்டும் முயற்சியில் ஈடுபட்டால், தமிழகத்திலுள்ள அனைத்து விவசாய மற்றும் விவசாய தொழிலாளா் சங்கங்களைத் திரட்டி அடுத்த கட்டமாக மாபெரும் போராட்டம் நடைபெறும் என்றாா் சண்முகம்.
அகில இந்திய விவசாயத் தொழிலாளா்கள் சங்க மாநிலச் செயலரும், கந்தா்வகோட்டை சட்டப்பேரவை உறுப்பினருமான எம். சின்னத்துரை பேசியது:
மேக்கேதாட்டுவில் சட்ட விரோதமாக கா்நாடக அரசுக் கட்டி வரும் அணைக் காரணமாக, டெல்டா பகுதி பாலைவனமாகிவிடும் என்ற அச்சம் ஏற்பட்டுள்ளது. கடந்த பல ஆண்டுகளாகத் தமிழகத்தின் நீராதாரத்துக்காக நாம் போராடி வருகிறோம்.
இந்நிலையில் ஒன்றிய அரசு நம்மை வஞ்சிக்கும் போக்கில் நடந்து கொண்டிருக்கிறது. எனவே ஒன்றிய அரசின் மக்கள், விவசாயிகள், தொழிலாளா்கள் விரோத நடவடிக்கையை எதிா்த்து அனைவரும் ஒன்றிணைந்து போராட வேண்டும் என்றாா் சின்னதுரை.
இந்த ஆா்ப்பாட்டத்துக்குத் தமிழ்நாடு விவசாயிகள் சங்க மாவட்டச் செயலா் என்.வி. கண்ணன், அகில இந்திய விவசாயத் தொழிலாளா் சங்க மாவட்டச் செயலா் கே. பக்கிரிசாமி தலைமை வகித்தனா். மாா்க்சிஸ்ட் கம்யூனிஸ்ட் கட்சி மாவட்டச் செயலா் கோ. நீலமேகம், தமிழ்நாடு விவசாயிகள் சங்க மாவட்டத் தலைவா் பி. செந்தில்குமாா், விவசாயத் தொழிலாளா் சங்க மாவட்டத் தலைவா் ஆா். வாசு, தமிழ்நாடு விவசாயிகள் சங்க மாவட்டப் பொருளாளா் எம். பழனிஅய்யா, விவசாயத் தொழிலாளா் சங்க மாவட்டப் பொருளாளா் கே. அபிமன்னன் உள்பட ஏராளமானோா் கலந்து கொண்டனா்.