பெருந்தலைவா் காமராஜா் பிறந்த நாளையொட்டி, தஞ்சை மாவட்ட காமராஜா் தலைமை நற்பணி மன்றம் மற்றும் தஞ்சாவூா் மாநகராட்சி கரோனா தடுப்புப் படை தன்னாா்வலா்கள் சாா்பில் 17-ஆவது ரத்ததான முகாம் ஞாயிற்றுக்கிழமை நடைபெற்றது.
கீழவாசலில் நடைபெற்ற இந்த முகாமை ஆட்சியா் தினேஷ் பொன்ராஜ் ஆலிவா் தொடக்கி வைத்தாா். இதில் 90 போ் பங்கேற்று ரத்ததானம் வழங்கினா்.
பின்னா் ரத்ததானம் வழங்கிய கொடையாளா்களுக்கு மாவட்டக் காவல் கண்காணிப்பாளா் தேஷ்முக் சேகா் சஞ்சய் பாராட்டுச் சான்றிதழ் வழங்கினாா்.
செஞ்சிலுவை சங்க ரத்த வங்கி ஆலோசகா் ராதிகா மைக்கேல், ராசா மிராசுதாா் ரத்த வங்கி மருத்துவ அலுவலா் ஸ்ரீதேவி, மாநகராட்சி கண்காணிப்பாளா் கிளமெண்ட் அந்தோணிராஜ், வட்டாட்சியா் பாலசுப்ரமணியன், செஞ்சிலுவை சங்க மாவட்டப் பொருளாளா் எஸ். முத்துக்குமாா் உள்ளிட்டோா் நிகழ்வில் கலந்து கொண்டனா்.